எந்த ஒரு மென்பொருளும் இல்லாமல் ஓன்லைனில் புகைப்படங்களை அழகுபடுத்த

நம்மிடம் இருக்கும் புகைப்படங்களை அழகாக Cut செய்து கொள்ளும் விருப்பம் நம் அனைவரிடமும் இருக்கும். இதற்காக Photoshop போன்ற எந்த மென்பொருள் துணையும் இல்லாமல் சில நிமிடங்களில் புகைப்படங்களை அழகாக Cut செய்யலாம். வேகமான சுழ்நிலையில் புதிதாக ஒரு மென்பொருளை படிப்பதற்கு பெரும்பாலும் நேரம் கிடைப்பதில்லை. புகைப்படங்களை சிலர் போட்டோஷாப் போன்ற மென்பொருள் கொண்டு அழகாக வடிவமைத்து வைத்திருப்பார்கள். அவர்களை விட நம்மால் நம் புகைப்படங்களை அழகாக Cut செய்து நம் டிவிட்டர் முதல் பேஸ்புக் வரை அனைத்திலும் வைக்கலாம். நமக்கு உதவுவதற்காக ஒரு தளம் உள்ளது. இந்தத்தளத்திற்கு சென்று Choose என்ற பொத்தானை சொடுக்கி நம்மிடம் இருக்கும் Cut செய்ய வேண்டிய புகைப்படத்தை தேர்ந்தெடுத்து Go என்ற பொத்தானை அழுத்த வேண்டும். அடுத்து வரும் திரையில் நம் புகைப்படத்தில் எந்த பகுதிவரை வேண்டுமோ அதை தேர்ந்தெடுத்துக் கொள்ளவும். அடுத்து Round the Corners என்பதில் எந்த Style-ல் cut செய்ய வேண்டுமோ அதையும் தேர்ந்தெடுத்துக் கொண்டு நிழல் வேண்டும் என்றால் Drop Shadow என்பதை சொடுக்கி தேர்ந்தெடுத்துக்கொண்டு Preview என்ற பொத்தானை அழுத்தி Output படத்தின் Preview பார்த்துக்கொள்ளலாம். எல்லாம் சரியாக தேர்ந்தெடுத்து உங்களுக்கு பிடித்ததும் Done என்ற பொத்தானை சொடுக்கி படத்தை நம் கணினியில் சேமித்துக்கொள்ளவும்

Read more »

நடுநிசி நாய்கள்: அதிர்ச்சியில் கெளதம்

நடுநிசி நாய்கள் படம் தொடர்பாக ஆடியன்ஸ்,விமர்சகர்கள் மத்தியில் உலாவரும் கருத்துக்களை,அதிர்ச்சியோடு கவனமாக பதிவு செய்து கொண்ட டைரக்டர் கெளதம் வாசுதேவ் மேனன்.

குழந்தைகளுக்கு எதிரான பாலியல் கொடூரத்தை படத்தில் வைத்ததை 'என்ஜிஒ' க்கள் பாராட்டியுள்ளன. இது வரை தமிழ் படத்தில் சொல்லப்படாத 'சென்சிடிவ் சப்ஜெக்டை' தொட்டுள்ளதாக படம் பார்த்த பெண்கள் கூறியதாக கெளதம் சொல்கிறார். 'நடுநிசி நாய்கள் ஒரு நவீனகால தமிழ்ப்படம். இந்த திரைப்படத்தின் மூலம் நான் தமிழ் சினிமாவின் அறிவிக்கப்படாத விதிகளை உடைக்க முயற்சி செய்திருக்கிறேன். இது எனக்கும் கூட ஒரு புது வகையான திரைப்படம்தான். இருண்ட உண்மைகளும் மனதை பாதிக்கும் விஷயங்களும் கொண்ட படம் என்ற முறையில் இது ஒரு பரிசோதனை. எல்லா வகையிலும் என்னுடைய முந்தைய படங்களிலிருந்து நடுநிசி நாய்கள் வேறுபட்டது. நான் என்னுடையது என்று அறியப்பட்ட பாணியிலிருந்து விலகி மாற்று பாணிகளை எப்போதும் தேடிக்கொண்டே இருக்கிறேன். புதிய பாணிகளை எனதாக்கி கொள்ள முயன்றுகொண்டே இருக்கிறேன் என்பதன் வெளிப்பாடுதான் இத்திரைப்படம். எந்த ஒரு பரிசோதனை முயற்சிக்கும் போற்றுதலும் தூற்றுதலும் இருக்கும் என்பது இன்று தமிழ் சினிமாவில் நான் இருக்கும் இடத்தில் நான் நன்கு அறிந்த்தே. முழு மனஉருதியோடு நான் நடுநிசி நாய்களின் பக்கம் நிற்கிறேன். இந்தவகைப்படங்கள் பார்த்து பழகாதவர்கள் எனக்கு மிகவும் பிடித்திருக்கிறது என கூற முடியாத ஒரு படம்தான் இது. இது ஒரு அனுபவம், அவ்வளவுதான். இறுதியில் என்னுடைய இயக்குநர் கார்டு வரும் முன்பு, வரும் இறுதிகாட்சி உங்களுக்கு விளக்கும், இத்திரைப்படத்தை எடுக்க நான் ஏன் முடிவு செய்தேன் என்று. உங்களுடைய ஆதரவு தமிழ் சினிமாவில் ஒரு புதிய பாணியும் பல புதிய தலைமுறை இயக்குநர்களையும் தோற்றுவிக்க வழிவகுக்கும் என நான் நம்புகிறேன் என்கிறவர், வித்தியாசமான வகை படங்களை எடுக்க விரும்புகிறார். புது படத்துக்கான ஸ்கிரிப்டை எழுதி வரும் கெளதம், ஜூலை மாதம் படப்பிடிப்பை துவங்க உள்ளார் 'எனக்காக, என்னை நம்பி படம் பார்த்திட்டு, ஏமாற்றமாக 'பீல்' பண்றவங்களிடம் 'சாரி' கேட்டுக்கிறேன்' என்றும் நடுநிசி நாய்கள் பட டைரகடர் உருகினாராம்.

Read more »

சில்க் விஷயத்தில் தடுத்தது யாராம்?

சில்க் பற்றி யார் வேண்டுமானாலும் படம் எடுத்துவிட முடியாது. அவரை சினிமாவில் அறிமுகப்படுத்திய என்னை கேட்கணும் என்று பிரபல நடிகர் வினு சக்கரவர்த்தி புலம்பி வருவதை பலரும் அறிவார்கள்.

மும்பையில் இருந்து சில்க் கதையை எடுக்க வேண்டும் என்று சென்னைக்கு வந்திறங்கிய தயாரிப்பாளரையும், இயக்குனரையும் இங்குள்ள ஒருவர்தான் பணத்தை வாங்கிக் கொண்டு திசை திருப்பி விட்டுவிட்டார்.

அவர் யாரென்பதை நான் அப்புறம் சொல்வேன் என்கிறார் வினுச்சக்கரவர்த்தி. நான் லண்டனில் இருந்த நேரத்தில் சென்னைக்கு வந்தவர்களிடம், வினு சக்கரவர்த்தியை தொடர்பு கொண்டால் அவர் ஒரு கோடி பணம் கேட்பார். படம் எடுங்கள்.

நாங்கள் பார்த்துக் கொள்கிறோம். யாராலும் அப்படத்தை தடுக்க முடியாது என்றெல்லாம் சம்பந்தப்பட்ட நபர் தைரியம் கொடுத்ததாகவும் புலம்புகிறார் வினு. அது யாரோ?

Read more »

கிழக்கின் சுயநிர்ணயம் - 6

ஜீ.ஜீ.பொன்னம்பலத்தின் “கொழும்பு” அரசியலை நிராகரித்து வடகிழக்கின் முலை முடுக்கு எங்கும் தமிழ் அரசியலை நுழைத்தவர் எனும் வகையில் 1956 ஆம் ஆண்டுத் தேர்தலில் சா.ஜே.வே.செல்வநாயகம் பெரு பெற்றியைப் பெற்றுக்கொண்டு தமிழ் மக்களுக்கான தலைமையை ஏற்றார்.ஆனால் 1956 ஆம் ஆண்டு வெற்றிக்குப் பின்னர் இந்த செல்வநாயகம் எனும் தலைமையும் சரிஇ தமிழரசுக் கட்சியும் சரி நடந்துகொண்ட விதம் கடுமையான விமர்சனத்துக்குரியது. அதாவது 1957 ஆண்டு கொண்டுவரப்பட்ட நெற்காணிச் சட்டத்தினை எதிர்த்தமைஇ 1957 இல் நிறைவேற்றப்பட்ட பண்டா – செல்வா ஒப்பந்தத்தில் மலையக மக்களை காட்டிக்கொடுத்து துரோகம் இழைத்தமை, 1965 ஆம் ஆண்டில் யு.என்.பி. அரசுடன் அமைச்சுப் பதவிகளுக்காக இணைந்து விலைபோனமை போன்ற வரலாற்றின் நிகழ்வுகள் இவர்களின் உண்மை முகத்தை அம்பலப்படுத்தப் போதுமானவை.

1965 ஆம் ஆண்டு தேர்தல் வரை தமிழரசுக்கட்சியின் “ஸ்ரண்ட்” அரசியல் வடகிழக்குப் பகுதிகளில் அதிகமாகவே களைகட்டியது. சத்தியாக்கிரகப் போராட்டம் (1961)இ தமிழரசு தபால் சேவைப் போராட்டம் (1961)இ 1964 இல் சிறிமா சாஸ்திரி ஒப்பந்த எதிர்ப்புப் போராட்டம் என்று பெரும் கலக சூழல் ஒன்றை வடகிழக்குப் பகுதிகளில் இவர்கள் ஏற்படுத்தினர். ஆனால் இவை அனைத்துமே இந்த போராட்டங்களில் மையங்கொண்டிருந்த அரசியல் கோரிக்கைகளைவிட தேர்தலை ஒட்டிய வாக்கு சேகரிப்பு நாடகங்களாகவே உண்மையில் இருந்தன. ஒவ்வொரு தேர்தலின் பின்னரும் இப்போராட்டங்கள் எல்லாம் மூட்டை கட்டப்பட்டு ஒரு மூலைக்குள் போடப்படும். அதைத்தொடர்ந்து அமைச்சு பதிவிகளுக்காகவும்இ தாம் சார்ந்த வர்க்கத்தினரின் சலுகைகளைப் பெற்றுக்கொள்வதற்காகவும் யு.என்.பி. அரசுடன் கொஞ்சுக் குலாவி வந்ததன் மூலம் இதனை அறிந்துகொள்ள முடியும். 1965 இல் பெற்றுக்கொள்ளப்பட்ட வெற்றியை வைத்து யு.என்.பி. இன் சார்பில் அரசமைக்கவிருந்த டட்லி சேனநாயக்காவுடன் தமது சலுகைகளை உறுதித் படுத்திக்கொள்வதற்காக இரவிரவாக ரகசியப் பேச்சுக்களில் தமிழ் தலைவர்கள் ஈடுபட்டனர். இதன்பலனாக கொழும்பில் செனட்டராக வாழ்ந்து வந்த திருச்செல்வம் என்பவரை அமைச்சராக்குவதற்காக டட்லி சேனநாயக்காவிடம் இருந்து உறுதி வாங்கிக் கொண்டனர். அதற்கு கைமாறாக யு.என்.பி. அரசு அமைவதற்கு தமிழரசுக் கட்சி எம.பிக்கள் ஆதரவு தெரிவிப்பதற்கு உறுதி கொடுத்தனர். கேவலம் தமது ஆதரவு சக்திகாளாய் இருந்த கொழும்பு கனவான் ஒருவரை அமைச்சராக்குவதற்காக தமிழ் மக்களை உணர்ச்சி பீறிட வைத்து தெருவில் இறக்கி சத்தியாக்கிரகம் செய்தவர்கள் அனைத்தையும் கைவிட்டனர்.

அதுவரைகாலமும் இவர்கள் சொல்லிவந்த கிழக்குமாகாண விவசாயிகளது குடியேற்றப் பிரச்சனையும் கிடப்பிலே போட்டனர். இதற்கு அப்பால் கிழக்கில் வாழ்ந்த லட்சக்கணக்கான விவசாயிகளின் நீர்ப்பாசனப் பிரச்சனைகளையோஇ நீண்ட கடல்பரப்பினைக் கொண்ட கிழக்கு மாகாண கடல் தொழிலாளிகளின் மீன்பிடித்துறைசார்ந்த பிரச்சனைகளையோ பின்தங்கிய நிலையில் இருந்த கிழக்கு மகாண தமிழ் முஸ்லிம் மக்களின் கல்விநிலை குறித்த அக்கறைகளையோ இவர்கள் தமது அரசியல் கட்சியின் கொள்கைகளுக்கான அடிப்படை விசயங்களாகக் கொள்ளவில்லை. மக்களின் தேவைகளை முன்னிறுத்தி அதற்காகப் போராடுவதினூடாக தலைமை வகிக்கும் வாய்ப்பினை பெற்றுக்கொள்வதைவிட ஹர்த்தால்இ வன்முறைஇ கிளர்ச்சி போன்ற குறுக்கு வழியினூடு தலைவர்கள் ஆவதிலேயே தமிழரசுக்கட்சியினர் முனைப்புக் காட்டினர்.1965 – 1970 ஆம் ஆண்டுவரை எவ்வித சலனமும் இன்றி அமைதியாக யு.என்.பி. ஆட்சியில் பங்கெடுத்துவந்த தமிழரசுக்கட்சியினர் 1970 ஆண்டில் கிடைத்த தோல்வியைத் தொடர்ந்தே இந்த வன்முறை வழிகளைத் திட்டமிட்ட ரீதியில் அதிகரித்து வந்திருப்பதனைக் காணலாம்.

மேற்படி எதிர்ப்பு நடவடிக்கைகளின் ஊடாக 1977 ஆம் ஆண்டுத் தேர்தல்வரை அரச பிரதிநிதிகளையும் அரசபடைகளையும் எதிர்ப்பதுதான் தமிழ் மக்களின் கடமை எனும் புதிய மரபொன்றினை தமிழர்விடுதலைக் கூட்டணி தோற்றுவித்தது. அதுமட்டுமன்றி சிறிலங்கா சுதந்திரக் கட்சியில் இருந்த தமிழ் பிரதிநிதிகளை தமிழ் மக்களின் துரோகி என பட்டம் சூட்டிவிடுவது என்பதினையும் வழக்கமாகக்கொண்டனர். இதனூடாக தமது அரசியல் எதிரிகளை எதிர்கொண்டு வெல்லுவது என்பதைவிட அழித்து வெல்லும் குறுக்கு வழியை நோக்கி தமிழர்விடுதலைக் கூட்டணியினர் தமது கவனத்தைத் திருப்பினர். அமைச்சர்களுக்கு கறுப்புக்கொடி காட்டுதல்இ குடியரசுத் தினத்தை பகிஸ்கரித்தல் என்பதெல்லாம் தனி ஈழம் ஒன்றை அமைப்பதற்கான முன்னோடி நிகழ்வுகளாக மக்கள் உணரவைக்கப்பட்டனர். ஆனால் தமிழரசுக்கட்சியினர் யு.என்.பி. ஆட்சியில் இருந்த 1965 – 1970 காலப்பகுதியில் தாமும் அந்த அரசில் பங்கெடுத்திருந்தனர். இந்தவேளைகளில் இத்தகைய அரச எதிர்ப்பு நடவடிக்கைகள் ஒன்றில் கூட ஈடுபடாதிருந்தனர். ஒவ்வொரு ஆண்டும் சுதந்திர தினம் அனுஸ்டிக்கப்பட்டதை ஏன் அதை பகிஸ்கரிக்கக் கோரவில்லை? ஏன் ஒரு சந்தர்ப்பத்தில் கூட கிழக்கிலங்கையில் தமிழரசுக்கட்சிக்காக உழைத்த தலைவர்களுக்கு அமைச்சுப்பதவி பெறும் அந்த வாய்ப்புகள் வழங்கப்படவில்லை? 1952 ஆம் ஆண்டுத் தேர்தலில் வடமாகாணத்தில் ஒருவரைத் தவிர பெரும்தலைவர்கள் எல்லோரும் படுதோல்வி அடைந்த நிலையில் திருகோணமலையில் தமிழரசுக்கட்சிக்கு பெரு வெற்றியீட்டிக் கொடுத்த இராஜவரோதயம் அவர்களுக்கு என் அந்த வாய்ப்புக்கொடுக்கப்படவில்லை? செனட்சபை உறுப்பினர்களான மட்டக்களப்பு கல்விமான் கனகரெட்னம் அவர்களுக்கு ஏன் அந்த வாய்ப்பு வழங்கப்படவில்லை. கொழும்புச் சீமான் திருச்செல்வத்திற்கு பெற்றுக்கொடுக்கப்ட்ட உள்ளுராட்சி பதவி 1956 ஆம் ஆண்டில் இருந்து தமிழ் மக்களின் தனிப்பெரும் தலைவனாக தொடர்ந்து வெற்றியீட்டி வந்த சொல்லின் செல்வர் இராஜதுரைக்கு ஏன் வழங்கப்பட்டிருக்கக் கூடாது? தமிழரசுக்கட்சியின் தலைமை கதிரையைக்கூட அலங்கரித்த பெருந்தலைவரும் தனித்தமிழ் தொகுதியான பட்டிருப்பின் பிரதிநிதியுமான மு.இராசமாணிக்கம் அவர்கள் அமைச்சுப் பதவிக்கு தகுதி அற்றவரா? என்கின்ற கேள்விகள் அன்று இல்லாவிடினும் இன்று கிழக்கிலங்கை மக்களிடையே கிளறப்படத் தொடங்கியுள்ளன. தமிழ் தமிழ் என்று கிழக்கிலங்கை மக்களை ஏமாற்றிக்கொண்டு அவர்களின் ஆதரவினால் வருகின்ற எல்லாவித அரசியல் இலாபங்களையும் வடக்குக்குள் மட்டுமே சுருட்டிக்கொள்ளும் தமிழரசுக்கட்சியினரின் கபடத்தனங்களை இன்று கிழக்கிலங்கை மக்கள் உணரத் தலைப்பட்டுள்ளார்கள்.

தொடரும்....

Read more »

பயணம்

மீண்டும் பிரகாஷ்ராஜ், ராதாமோகன் கூட்டணி ஒரு வித்தியாசமான தமிழ் சினிமா அனுபவத்தை கொடுக்க முனைந்திருக்கிறது.

ஒவ்வொரு படத்தையும் ஒவ்வொருவிதமான விதத்தில் கொடுப்பதில் ஆர்வமுள்ள ராதா மோகன், அதில் ஜெயித்திருக்கிறார் என்றே சொல்ல வேண்டும். படத்தின் மூன்றாவது காட்சியிலேயே கதையை ஆரம்பித்துவிடுகிறார். மெல்ல மெல்ல விமானத்தில் உள்ளவர்களை அறிமுகப்படுத்தி, அவர்களின் பிரச்சினைகளையும், சொல்லி படத்தில் உட்கார வைத்து விடுகிறார்.சென்னையிலிருந்து டெல்லிக்கு போகும் ஸ்டார் ஜெட் விமானம் பாகிஸ்தான் தீவிரவாதிகளால் கடத்தப்படுகிறது. விமானத்தை பாகிஸ்தானுக்கு கடத்த முயலும் தீவிரவாதிகளோடு துணை கேப்டன் நடத்திய போராட்டத்தில், தீவிரவாதியின் துப்பாக்கிக் குண்டு வெடித்து விமானத்தில் இன்ஜின் பழுதாகி வேறு வழியில்லாமல் திருப்பதியில் தரையிரங்குகிறது. தீவிரவாதிகளின் தலைவன் யூசுப் கானையும், 100 கோடி ரூபாய் பணமும் கேட்டு தீவிரவாதிகள் மிரட்டுகின்றனர். அரசு அதிகாரிகள் பிரகாஷ்ராஜ் தலைமையில் கூடி மாய்ந்து மாய்ந்து விவாதிக்க, கமாண்டோ படை தலைவரான நாகார்ஜுன் அதிரடியாய் உள்நுழைந்து எப்படி விமானத்தில் உள்ள பயணிகளை காப்பாற்றினார் என்பதை சுறுசுறுவென சொல்லியிருக்கிறார்கள். விதவிதமான மனநிலையில் உள்ள விதவிதமான மனிதர்கள் ஒரு விமானத்துக்குள் சிறைப்பட்டிருக்கிறார்கள். காத்திருக்கும் நேரம், நாட்களாக நீள்கிறது. அப்போது அவர்களது ரியாக்ஷன்களும், ஏற்படும் மனமாற்றமும் அழகாகச் சொல்லப்பட்டிருக்கின்றன. முதல் பாதியில் கடத்தல்காரர்களினால் கடத்தப்படும் பிரச்சினையும், பயணிகளின் மனநிலையையும் மெல்ல, தன் போக்கில் விவரிப்பது கொஞ்சமே கொஞ்சம் லெதார்ஜிக்காக இருக்கிறது. ஆனால் அதையெல்லாம் தூக்கி சாப்பிடும்படியான இரண்டாம் பாதியிருப்பதால் இந்த குறையெல்லாம் தெரியவில்லை. எல்லாம் வழக்கப்படி போகிறதே என்று நினைக்கும் போது, இடைவேளையின் போது வரும் ட்விஸ்ட் நிமிர்ந்து உட்கார வைக்கிறது. அதைத்தொடர்ந்து கதையின் போக்கில் ஏற்படும் மாற்றம் நல்ல திரைக்கதை ஆசிரியரின் உத்தியுடன் சொல்லப்படும் ட்விஸ்ட்கள் சபாஷ் சொல்ல வைக்கின்றன. படத்தில் பாடல்களே இல்லாதது, தீவிரவாதிக்கு குழந்தையிடம் ஏற்படும் அன்பு என்று அங்கங்கே அழகியல் அம்சங்கள். டாக்டரான ரிஷி, இளம் பெண் சனாகான், ஏர்ஹோஸ்டஸ் பூனம் கவுர், சர்ச் பாதர் எம்.எஸ்.பாஸ்கர், அரசுத்துறை அதிகாரியான பிரகாஷ்ராஜ், கமாண்டோவான நாகார்ஜுன், ஒரு நடிகரின் தீவிர விசிறியான சாம்ஸ், எக்ஸ் கர்னலான தலைவாசல் விஜய், வாஸ்து சாஸ்திர நிபுணர் மனோபாலா, மிமிக்ரி படவா கோபி, வேலை தேடி இன்டர்வியூக்கு போகும் குமரவேல், சினிமா டைரக்டர் பிரம்மானந்தம் என்று ஒரே நட்சத்திர பட்டாளம். அனைவருமே சிறிது நேரம் வந்தாலும் தம்தம் பாத்திரங்களை சிறப்பாக செய்துள்ளார்கள். குறிப்பாக நாகார்ஜுன் வரும் இரண்டாவது பாதி அருமை. அதிலும் கடைசி இருபது நிமிடங்கள் நல்ல விறுவிறுப்பாக போகிறது. நாகார்ஜுனை பொறுத்தவரை கொஞ்சம் அடக்கி வாசிக்கப்பட்ட நடிப்பாகத் தெரிந்தாலும் பெஸ்ட் ஜாப். பிரகாஷ்ராஜ் கொஞ்ச நேரமே வந்தாலும் நினைவில் நிற்கும் நடிப்பு. படத்தின் தயாரிப்பாளர் என்பதற்காக படம் முழுக்க வர வேண்டும் என்ற சில்லித்தனமான எண்ணம் எதுவும் இல்லாமல் கதை எந்த அளவு அனுமதிக்கிறதோ அந்த அளவு மட்டும் பிரகாஷ்ராஜ் வந்து போவது அழகு. படத்தில் சின்ன சின்ன கேரக்டர்களைக்கூட கவனிக்க வைக்கும் அளவு முக்கியத்துவம் கொடுக்கும் வெகு சில இயக்குநர்களில் ராதாமோகனும் ஒருவர். மனித நேயங்களுக்கும், உறவுகளுக்கும் மதிப்புக்கொடுக்கும் அவர் இந்த ஆக்ஷன் படத்தில்கூட தனது பாணியில் மாறாமல் டைரக்ஷன் டச்சை வெளிப்படுத்திய விதம் பாராட்டத்தக்கது. தமிழ் சினிமாவில் பஞ்ச் டயலாக் விடும் சூப்பர் ஸ்டார்களை கிண்டல் செய்திருக்கிறார் பாருங்கள் அது தூள். சாம்ஸூம், பிருதிவிராஜும்(பப்லு) கலக்கல். (டீலா நோ டீலா)ரிஷிக்கும், சனாகானுக்குமான காதல் ரொம்ப கேஷுவல். குறையென்று பார்த்தால், தமிழ், தெலுங்கு என்று ரெண்டு மொழிகளில் எடுத்திருப்பதால், நிருபர்களின் வசனங்களில் டப்பிங் சிங்க் ஆகாமல் இருப்பதும், பயணிகளில் ஒரு பாதிரியாரும், இருதய நோய் குழந்தையும், லொட லொட மாமா, மாமியும் கேரக்டர்கள்தான். அது மட்டுமில்லாமல் கடத்தப்பட்ட விமானத்தில் பல பேரின் முகத்தில் தாங்கள் பயணக்கைதியாக இருக்கிறோம் என்ற உணர்வே இல்லை. முக்கியமாய் துணை நடிகர்களிடம். பிருதிவிராஜ்(பப்லு) சாம்ஸ் பக்கத்தில் உட்கார்ந்திருக்கும் பெண்ணை பாருங்கள். எவன் கடத்தினால் எனக்கென்ன சாப்பாட்டைக் கொடுத்தால் போதும் என்று சாப்பிட்டுக் கொண்டிருப்பது. கடத்திய மூன்றாவது நாளில் தாடி வளர்வதும், பின் ஐந்தாவது நாளில் ஷேவ் செய்யப்பட்டது போல முகங்கள்... அசிஸ்டென்ட் டைரக்டர்கள் கொஞ்சம் கவனித்திருக்கலாம். அதே போல் படம் படு சீரியஸாக செல்லும்போது ஆங்காங்கே வரும் காமெடிகள் படத்தின் வேகத்துக்கும், டெம்ப்போவுக்கும் ஸ்பீடு பிரேக்கர் ஆகி இருப்பதையும் கவனத்தில் கொள்ள வேண்டும். எல்லா மனிதரும் நல்லவரே என்ற இயக்குநரின் கான்செப்ட் பிரமாதம் தான் என்றாலும் இவரது படங்களில் வரும் அனைவரும் நல்லவர்களாகவே வருவதும், தத்துவம் பேசுவதும் களைய வேண்டிய குறைகள். ரெட் ஒன் டிஜிட்டல் கேமராவில் எடுக்கப்பட்ட படம். ஒளிப்பதிவாளர் கே.வி.குகன் தன் வேலையை செவ்வனே செய்திருக்கிறார். அதே போல எடிட்டர், பின்னணியிசை அமைத்த பிரவீன்மணி போன்றவர்களின் உழைப்பும் கச்சிதம். பாடல்கள் இல்லை, சண்டைக் காட்சிகள் இல்லை. இருப்பினும் ஒரு பரபரப்பான ஆக்ஷன் படம் பார்த்த திருப்தியைத் 'பயணம்' தருகிறது. நடிகர்கள்: நாகார்ஜுன், பிரகாஷ்ராஜ், சனாகான், பூனம் கவுர், ரிஷி, எம்.எஸ். பாஸ்கர், பப்லு, சாம்ஸ், 'தலைவாசல்' விஜய், மனோபாலா, பிரம்மானந்தம் இசை: பிரவீன்மணி இயக்கம்: ராதா மோகன் தயாரிப்பு: பிரகாஷ்ராஜ்

Read more »

ஒன்றுபட்ட இலங்கை சாத்தியமாகுமா?

வெள்ளையர்கள் இருக்கும் போதே விதைக்கப்பட்ட இன வேற்றுமை , சமூக ஏற்றத்தாழ்வுகளின் விதைகள் அவர்கள் வெளியேறியதன் பின்னர் அவர்களே எதிர்பார்க்காத அறுவடையைத் தந்தது இலங்கையின் கடந்த கால வரலாறு.

இந்த வரலாற்றின் ஏக போக விளைச்சலை இனப் பிரச்சினை எனும் பூதம் ஆட்கொண்டதால் எதிர்காலம் என்று ஒன்று இருக்கிறதா என்றே தெரியாமல் நாட்டை விட்டு தூர ஓடியர்வர்கள் பல லட்சக் கணக்கில் இருக்கிறார்கள்.

இப்போது இனப் பிரச்சினை எனும் பெயரால் இடம்பெற்ற போர் ஓய்ந்துவிட்டது, இனியாவது ஒன்றுபட்ட இலங்கை சாத்தியமாகுமா?

ஒன்று பட்ட இலங்கை என்பதன் அடிப்படை ஆளும் வர்க்கத்தின் கொள்கைக் கோட்பாடு சம்பந்தப்பட்ட விடயம். ஆனால் அதை மக்கள் மயப்படுத்தி வேற்றுமைகளை வளர்ப்பதும் அதைப் பரிபாலிப்பதும் அரசியலின் அடிப்படை.

இந்த இரண்டையும் தாண்டி மக்கள் என்பது சாத்தியமா என்றால் அது நடைமுறையில் சவாலான விடயமாகக் கருதப்படும், இந்த இரண்டும் இல்லாத மக்கள் ஒற்றுமை சாத்தியமா என்றால்? அது சாத்தியம் என்று அடித்துக் கூறிவிடலாம்.

எனவே, அரசியலுக்கப்பாற்பட்ட சமூக ஒற்றுமைக்குத் தடையாக இருக்கப்போவது ஆளும் வர்க்கத்தின் பிரித்தாளும் கோட்பாடுகளும், அவற்றை அவர்கள் செயற்படுத்த உபயோகப்படுத்தப் போகும் அரசியல் வாதிகள் எனும் கருவிகளும் தான் என்பதை ஏற்றுக்கொள்ள யாருக்கும் தயக்கம் இருக்கப் போவதில்லை.

இந்த சவாலை மகிந்த அரசு அறியுமா? அறிந்தாலும் அதற்கான விடிவைப் பெற்றுத்தருமா என்பது என்றாவது ஒரு நாள் மீண்டும் இலங்கைக்கே போய் விட வேண்டும் எனும் ஏக்கத்தில் வாழ்பவர்களின் மனதில் வாழும் பிரதானமான கேள்வியாகும்.

பிரபாகரனை அழித்தொழித்த கையோடு அவசர அவசரமாக களையெடுப்பைச் செய்து கொண்டு வந்த வெளிப்பக்க மகிந்த அரசைக் கூட விமர்சனம் பண்ணத் தெரியாத வங்குரோத்து நிலையில் எதிர்க்கட்சிகள் இருக்க, நாட்டில் என்ன நடக்கிறது எனும் அனுமானமே இல்லாத நிலையில் தான் தமிழ்க் கட்சிகள் இருக்கிறார்கள்.

இந்த நிலையில், எதிர்க்கட்சி அரசியலை எங்கிருந்து ஆரம்பிப்பது என்று அவர்களுக்குப் பிடிகொடுக்காமல் பல்வேறு பட்ட குழப்ப நிலைக்குள் தந்திரமாக பிரதான (Main steam) அரசியலை வெளியில் வைத்துப் பாதுகாக்கும் புத்தி சாதுர்யமான மகிந்தா சகோதரர்களின் அரசியல் வலையிலிருந்து மீண்டு எழுவதற்கு இன்னும் நூறு ரணில் விக்கிரமசிங்காக்கள் பிறக்க வேண்டும்.

இலங்கையின் அபிவிருத்தி என்பது உலக அரங்கில் இனிமேல் ஆர்ப்பாட்டமில்லாமல் அரங்கேற்றப்படும்.

இந்த அபிவிருத்தியைத் தடுக்கும் சக்தியோ அல்லது இணைந்து பணியாற்றும் சக்தியோ கூட தற்போதைய எதிர்க்கட்சிகளுக்கு இல்லாத நிலையில், மகிந்தா சகோதாரர்களின் பாதை மிகத் தெளிவானதாகவும், தங்கு தடையற்றதாகவும் இருக்கப்போகிறது.

சூழ்நிலை அரசியலின் ஆளுமையில் தவித்திருந்து எதிர்க்கட்சிகள் வெளியேறுவதற்கு எடுக்கப்போகும் காலத்திற்குள், இலங்கையின் அரசியல் நிலைப்பாடும் நாட்டின் பயன்பாடும் முதலாளித்துவ சுரண்டல்களின் மையமாக நவ நாகரீக முறையில் மாற்றம் பெற்றிருக்கும்.

பல்வேறு சர்வதேசப் பங்காளர்களின் தலையில் (ஏறத்தாழ பிரேமதாசா பிரபாகரனிடம் வடக்கைக் கொடுத்து ஏகபோகமாக தமிழர் காதில் புலியின் பிரசன்னத்தை ஊதிப் பெருப்பித்ததைப் போல) கட்டிவிட்டு, விளைச்சலின் சுகபோகத்தை தம் குடும்பத்தோடும், ஒரு பகுதியை நாட்டோடும் பகிர்ந்து கொள்வதன் மூலம் சிங்கப்பூரின் “லீ” யை மிஞ்சிய ஒரு வரலாற்றுப் பதவியை நோக்கி மகிந்த சிந்தனை பயணித்துக் கொண்டிருக்கிறது.

இந்த இடைவெளியை நிரப்ப, மக்கள் அபிப்பிராய பேதத்தை ஏதாவது ஒரு வழியில் உருவாக்கும் பழைய அரசியலைப் பற்றிப் பிடித்துக்கொண்டிருக்கும் அரசியல்வாதிகளும், அரசியல் கட்சிகளும் அதைத்தவிர எதையும் செய்யத் தெரியாத காரணத்தினால் மகிந்தாக்கள் எதிர்பார்க்கும் ஆனால் நேரடியாகத் தலையிட விரும்பாத “பிளவுகளை” தானாகத் தோற்றுவிப்பார்கள்.

இந்தப் பிளவுகளுக்காக தரங்கெட்ட அரசியல் பாவிக்கப் போகும் பிரதானமான ஆயுதம் மீண்டும் இனப் பிளவுகளாகும். இலங்கையில் பிரதானமாக ஏற்படுத்தக்கூடிய இனப் பிளவுகள் என்பது சிங்கள – தமிழ் அல்லது முஸ்லிம் – தமிழ் அல்லது சிங்கள – முஸ்லிம் பிளவுகள் என்ற வகைகள்.

எனினும், மீண்டும் இந்தப் பிளவுகளின் போது ஆயுத , அதிகார ஆளுமைகளின் விதமும், வகையும் வேறுபட்டுக் காணப்படப்போகிறது.

அரசோடு இணைந்து செயற்படும் கட்டாய நிலைக்குத் தள்ளப்படப்போகும் அரசியல் சூழ்நிலைகளைப் பொறுத்த வரை கடுகதியாக முன்னேற முடியாத கட்டாயம் என்பது தங்கி வாழும் அல்லது சார்ந்து வாழும் நிலைக்கே அரசியலையும் மக்களையும் இட்டுச் செல்லும் எனும் போது, அந்த மக்களைப் பிரதிநிதித்துவப்படுத்துவதாகக் கூறிக்கொள்பவர்களிடன் யார் முந்தி சலுகைகளைப் பெற்றுக்கொள்வது எனும் போட்டிதான் நிலவுமே தவிர பெற்றுக்கொடுப்பது என்பது இரண்டாம் கட்டத் தேவையாக மாறிவிடும்.

எனவே சராசரி வருமானத்திற்குக் குறைந்த நிலையில் வாழும் மக்கள் மீண்டும் மீண்டும் தயவில் வாழும் நிலைக்கும், அல்லது குறுக்கு வழியில் முன்னேறிச் செல்லும் பழைய நிலையிலுமே வைத்துப் பாதுகாக்கப்படுவார்கள். எனவே சலுகைகளைப் பெற்றுக்கொள்வதையே தமது உச்ச பட்ச இலக்காகக் கொண்டு வாழும் ஒரு தரத்தினரையும் பிரித்தாளும் வர்க்கத்தினர் உருவாக்கி விடுவார்கள்.

இந்த நிலையை சிங்கள மக்கள் உணர்ந்து புரட்சி செய்வதற்கான கால அவகாசத்தை அவர்கள் பெற்றுக்கொள்ளப்போவதில்லை. ஏனெனில் தென்பகுதி காணப்போகும் மாற்றங்களில் ஏற்படும் மாயையையும், நாட்டைக் குட்டிச் சுவராக்கிக்கொண்டிருந்த போரினை முடிவுக்குக் கொண்டு வந்து சுபீட்சத்துக்கு வழி சமைத்த மகிந்தாக்களின் சேவை தொடர்பான எண்ணங்களையும் பிரித்தறிந்து அம்மக்கள் எப்போதும் சாதகமாகவே பார்க்கப்போவதனால், எதிர்காலத்தில் ஏற்படும் பொருளாதார மாற்றங்கள் வளங்கள் மூலமாக அவர்கள் வாயடைக்கப் படுவார்கள்.

எனவே தமிழ் – முஸ்லிம் உறவுகள் சீர்குலைந்திருப்பதன் தேவையே எதிர்கால முதலாளித்துவத்துக்கு பேருதவியாக இருக்கப்போகிறது.

இந்தத் தேவையை அரச சார்பில் நிறைவேற்றி வைக்கப்போவது யார் எனும் போட்டியில் யார் வெற்றி பெறுவார்கள் என்பது பொறுத்திருந்து பார்க்க வேண்டிய விடயமாகினும், இதன் மூலம் தோல்வியைக் காணப்போவது ஏற்கனவே போர் எனும் பெரும் பூதத்தால் பெரும் பின்னடைவை சந்தித்த அதே தமிழ் பேசும் சமூகமாகும். அவர்களுக்கான மாற்றீடாக வெளிநாடுகளின் உருவம் முன்னால் வந்து நிற்கப்போவதால் அதற்கான வழிகளில் தன் நிறைவு பெறுவதே எதிர்வரும் மூன்று வருடங்களுக்கு அவர்களின் முதற் தேவையாக இருக்கப் போகிறது.

இந்த வெற்றிடத்தை தமக்குச் சாதகமாகப் பயன்படுத்திக்கொள்ளப் போகும் சிறுபான்மை பிரதிநிதித்துவம் விழித்துக் கொண்டாலன்றி ஆத்மார்த்தமான ஒன்று பட்ட இலங்கையைக் கட்டியெழுப்புவது நடைமுறையில் சாத்தியமற்ற ஒரு விடயமாகும்.

தற்போது விட்டுக்கொடுக்கப்பட்டுள்ள “இடத்தை” தமது ஆளுமையின் மூலம் நிரப்பிக்கொண்டுள்ள அரசியல் சூழ்நிலை தொடருமாக இருந்தால் நாளடைவில் இதனை மீண்டும் தமக்குச் சாதகமாகப் பயன்படுத்திக்கொள்ளும் வர்க்க ஆளுமையின் மூலம் சிறுபான்மையினர் தரம் பிரிக்கப்படுவது தவிர்க்க முடியாததாகும். அந்தத் தரம் பிரித்தலின் போது மீண்டும் வன்முறைகள் வளர்வதற்கான சாத்தியக்கூறுகள் இல்லையாகினும், பிரிவினைகள் முன்னரை விட ஆழமாக விதைக்கப்படப்போவது திண்ணம்.

அந்த விதைப்பின் பின்ணனியில் இலாபமடைவது மீண்டும் வர்க்கக்கூட்டு அரசியலாக இருந்தாலும் உண்மையான நட்டத்தின் பாதிப்பு சிறுபான்மைத் தமிழ் பேசம் சமூகத்தையே வந்து அடையும். சிங்கள மக்களைப் பொறுத்தவரை இவ்வாறான உளவியல் போரினை கட்சி ரீதியாகவும், அரசியல் வேறுபாடுகளாகவும் மாத்திரமே உணர்ந்து கொள்ளப்போவதனால் அவர்களுக்கு இது முக்கியத்துவமற்ற விடயமாகவே இருக்கும். தமிழ் பேசும் சமூகத்தைப் பொறுத்தவரை இதன் பாதிப்புகள் அரசியல் வரையறையைத் தாண்டிய இன, பிரதேச மற்றும் தராதரப் பிரச்சினைகளாகவும் உருவெடுக்கும் நிலையை அறிந்து அரசியல்வாதிகள் தமது நிலை மாற்றத்தினை உரிய நேரத்தில் மேற்கொள்ளவில்லையாயின் உண்மையான முன்னேற்றத்தை தமது சமூகத்துக்கு அவர்களாலும் வழங்க முடியாது, இவ்வாறான நிலை ஏற்படாமல் தடுக்கும் வகையில் உள்ளாட்சிக் கொள்கைகளில் மாற்றங்களைக் கொள்ளத் தவறினால் மகிந்த அரசாலும் ஆத்மார்த்தமான ஒன்றுபட்ட இலங்கையை உருவாக்க முடியாது.

Read more »

தூங்காநகரம்

நட்பின் இலக்கணம் என்னவென்று புரியாமல் குழம்பும் டாஸ்மாக் நண்பர்களின் கதை.

மதுரை என்றாலே எப்போதும் தண்ணியடித்துக் கொண்டு, அருவாளை தூக்கிக்கொண்டு அலையும் ரவுடிகள், குடிகாரர்களின் வசிப்பிடம் என்று காட்டிக்கொண்டிருக்கும் சினிமாக்களின் வரிசையில் தூங்கா நகரம்.... மதுரையில் வெவ்வேறு பகுதியில் வேலை பார்க்கும் விமல், பரணி, நிஷாந்த், கௌரவ் நால்வரும் மதுக்கடையில் பழக்கமாகின்றனர். தினம் குடி, கொண்டாட்டம் என திரிகிறார்கள். ஊரில் உள்ள ஒரு பெரிய பணக்கார தாதாவின் இரண்டாவது பையனும், இன்னொரு ஜவுளிக்கடை ஓனரும் சேர்ந்து கொண்டு, டிரஸ்சிங் ரூமில் டபுள் சைஸ் கண்ணாடி வைத்து அவர்கள் டிரஸ் மாத்துவதை போட்டோ எடுத்து அந்த பெண்களுக்கு அனுப்புகிறார்கள். அதை வைத்து அவர்களை ப்ளாக் மெயில் செய்ய, கதை நாயகனான விமலுக்கு தெரிந்த ஒரு அய்யங்கார் ஒருத்தரின் பெண்ணுக்கு அதே போல் பிரச்சினை வர, போதையில் இருக்கும் விமல் அவனை அடித்து துவைத்துவிட, அவனுக்கு கண் போய்விடுகிறது. தான் அடித்தது பெரிய க்ரூப் என்று தெரிந்ததும் நண்பர்கள் நான்கு பேரும் ஆளாளுக்கு எஸ்சாக.. ஒரு கட்டத்தில் வில்லன் க்ரூப் நண்பர்களில் ஒருவனை பிடித்து விமலை அவனின் திருமணத்திற்கு முன்பு கொல்ல வேண்டும் இல்லாவிட்டால் அவன் குடும்பத்தை அழித்துவிடுவோம் என்று மிரட்ட, அவன் தன் உயிர் நண்பனை கொல்லப் போகிறான். அங்கே போனால் மற்ற நண்பர்களும் அதே போல மிரட்டப்பட்டிருக்க, மூவரும் சேர்ந்து விமலை கொல்ல முயற்சிக்கிறார்கள். ஒரு கட்டத்தில் நட்பா, நண்பன் உயிரா, என தவிக்கின்றனர். அவர்கள் என்ன முடிவெடுத்தார்கள் என்பது உறைய வைக்கும் இறுதிக்காட்சி. இந்த கதைக்கு மதுரை தேவையேயில்லை. மதுரை கதை சொன்னால் தான் ஜெயிப்போம் என்ற நம்பிக்கையில் இயக்குநர் இருந்திருப்பாரோ என்னவோ..? அதுவே அவருக்கும் மைனஸாகிவிட்டது. முதல் ஒரு மணி நேரத்திற்கு இவர்கள் அலப்பறை செய்வதாய் நினைத்துக் கொண்டு, பண்ணுகிற இம்சை தாங்க முடியவில்லை. சிங்கம்புலி வரும் பார் காட்சியில் மட்டும் நகைச்சுவை லேசாய் இருக்கிறது. விமல் 'களவாணி'யில் பார்த்தது போலவே பெரிதாய் ஏதும் முயற்சிக்காமலேயே நடித்திருக்கிறார். இப்படியே போனால் நால்வரில் ஒருவராய் ஆகிவிடும் நாள் தூரத்தில் இல்லை. ஊமையனாக வரும் நிஷாந்துக்கு நல்ல கேரக்டர். நன்றாகவே செய்திருக்கிறார். பரணிக்கும் நல்ல கேரக்டர்தான். குறையொன்றுமில்லை. பிணம் எரியூட்டும் பணியாளராய் வரும் இயக்குநர் கௌரவின் கேரக்டருக்கு ஏன் அவ்வளவு பில்டப் கொடுத்தார்கள். அவன் ஒரு சுயநலவாதி அது இது என்று?. நியாயமாய் பார்த்தால் நிஷாந்தின் மேல் பயணித்த கதையை இவர் மேல் பயணித்திருந்தால் நிச்சயம் க்ளைமாக்ஸை எதிர்பார்த்திருக்க முடியாது. பார்த்தவுடன் 'இறுக்க அணைச்சு ஒரு உம்மா தரலாமா' எனும் அளவிற்கு கவர்கிறார் அஞ்சலி. ஆனால் பெரிதாய் சொல்லிக் கொள்கிறார் போல ஒன்றுமில்லை. ஓரிரு இடங்களைத்தவிர. விமலுக்கும், அஞ்சலிக்குமான சிறுவயது காதல் கதை படு கண்றாவி. முடியலைடா சாமி. ஆனாலும் அஞ்சலி வரும் போதெல்லாம் ஒரு சுவாசப் புத்துணர்வு வருவதை ஒத்துக் கொள்ளத்தான் வேண்டும். வில்லனாக கமலா தியேட்டர் உரிமையாளர் சிதம்பரம் செட்டியார் நடித்திருக்கிறார். அவரது நீண்ட மூக்கும், அவருக்கு வைக்கப்பட்டிருக்கும் காட்சிகளும் கொடுக்க வேண்டிய முக்கியத்துவத்தை கொடுத்திருக்கிறது. மற்ற வில்லன் ஆட்கள் எல்லாம் வழக்கமான மதுரை பில்டப் தான். ஒரு பாடல் காட்சியில் வேறொருவன் கற்பனையில் அஞ்சலியின் ட்ரெஸ் மாற்றப்பட, அதை அவன் கற்பனையில் அவனை அடித்து, வேறு ட்ரெஸ் மாற்றுவது, பகவான் தான் காப்பாத்தணும் என்று சொன்னதும், பகவான் ஆஸ்பிட்டலில் காட்சி ஓப்பன் ஆவது, கோயில் பட்டாச்சாரியார் சொல்லும் "லோகத்துல 100 கோடி பேர் இருக்கா.. அவாளுக்கெல்லாம் சகாயம் செய்ய கடவுள் வர மாட்டார். மனுஷாதான் வருவார்" என்ற டயலாக்கை சரியான இடத்தில் உபயோகித்திருப்பதும், இரண்டு கிழவிகளை வைத்து காமெடி முயற்சியில் வெற்றிப் பெற்றிருப்பதும், இடைவேளையின் போது சாட்டையடிப் போல சுளீர்ரென்று கிளம்பும் பரபரப்பான திரைக்கதையும் பாராட்டப்பட வேண்டிய விஷயங்களாகும். சுந்தர் சி.பாபு இசையில் 'பூவான பார்வைகள் குறும்பான வார்த்தைகள்' எனத்தொடங்கும் பாட்டு செம ஹிட் அடிக்கப்போகும் மெலோடி. ஆனால் அந்தப்பாட்டுக்கான பிக்சரைஷேசனில் இயக்குநர் இன்னும் கவனம் செலுத்தி இருக்கலாம். டான்ஸ் மாஸ்டர் கூட சுமாராகத்தான் அந்த பாட்டுக்கு ஒர்க் பண்ணியிருக்கார். அந்த பாடலில் அஞ்சலி மட்டும் அழகு தேவதையாக வர்றார். ஒளிப்பதிவு நன்றாகவே இருக்கிறது. முக்கியமாய் ஓப்பனிங் ஜிம்மி ஜிப் மூவ்மெண்ட் காட்சிகளிலும், கன்ஸ்ட்ரக்ஷன் சண்டை காட்சியிலும் மிரட்டலாயிருக்கிறது. ஆனால் முதல் காட்சியில் நிறைய டெக்னிக்கல் தில்லாலங்கடி இருப்பதால் அவ்வளவு பெரிய ட்ராவல் ஷாட்டின் பாராட்டை ஒளிப்பதிவாளருக்கு மட்டும் கொடுக்க முடியவில்லை. எழுத்து இயக்கம் கௌரவ். இவர் கே.எஸ்.ரவிகுமாரின் உதவியாளர். முதலிலேயே சொன்னது போல இந்த கதைக்கு மதுரை தேவையேயில்லை. மதுரை செண்டிமெண்ட் ஒர்க்கவுட் ஆகியிருக்கும் என்று தோன்றுகிறது. முதல் பாதி முழுவதும் எதையோ ஓட்ட வேண்டுமென்ற கட்டாயத்தில் ஓட்டுவது போல் உள்ளது. காமெடி கொஞ்சம் கூட ஒட்டவில்லை. திரும்ப திரும்ப, டாஸ்மாக், கோயில் திருவிழா என்று ஜல்லியடித்திருக்கிறார்கள். நடு நடுவே அஞ்சலி மட்டும் முகத்தை காட்டவில்லையென்றால் தூங்கியே போயிருக்க வாய்ப்புண்டு. நடிகர்கள்: விமல், அஞ்சலி, பரணி, நிஷாந்த், கௌரவ், சிதம்பரம் செட்டியார், சிங்கம்புலி இசை: சுந்தர்.சி.பாபு இயக்கம்: கௌரவ் தயாரிப்பு: தயாநிதி அழகிரி

Read more »

கிழக்கின் சுயநிர்ணயம் - 5

மலையக மக்களின் வாக்குரிமைப் பிரச்சனைகள் மீதும் கிழக்கிலங்கை மக்களது குடியேற்றப் பிரச்சனை மீதும் எவ்வளவு தூரத்திற்கு யாழ்ப்பாண சமூகம் அக்கறை காட்டியதென்கின்ற வேதனைக்குரிய செய்தியே இத்தோல்வி மூலம் வெளியானது. சுயபாஷைகளுக்கு அரச அந்தஸ்து கோருகின்ற குரல்கள் சமூகத்தின் கீழ்தட்டு மக்களிடம் இருந்து ஒலிக்கத்தொடங்கின. “உண்மையில் ஆங்கிலத்தை அரசமொழி ஸ்தானத்தில் இருந்து நீக்கி சிங்கள-தமிழ் மொழிகளை அரசமொழிகளாக மாற்ற வேண்டும் என்கின்ற இயக்கம் 1920 ஆம் ஆண்டிலேயே ஆரம்பித்துவிட்டது.”

இந்த சுயபாஷைகளை அரசகரும மொழியாக்குவதில் தடையாக இருந்தவர்கள் யாரென்பதை இனவாத கூச்சல்களில் இருந்து வெளியேவந்து இனியாவது எமது மக்கள் புரிந்துகொள்ளவேண்டும். ஜீ.கே.டபிள்யு.பெரேராஇ ஜே.ஆர்.ஜெயவர்த்தனாஇ எஸ்.டபிள்யு.ஆர்.டி.பண்டாரநாயக்கா போன்ற தலைவர் முன்வைத்த சுதேசமொழிக்கொள்கைகளுக்கு பலரும் ஆதரவு தெரிவித்திருந்தனர். மட்டக்களப்பு நல்லையாஇ டபிள்யு.டபிள்யு.கன்னங்கரா. தஹாநாயக்காஇ டி.பி.ஜாயாஇ மட்டக்களப்பு எஸ்.ஓ.கனகரெட்னம் போன்ற மூவினத்தைச் சேர்ந்த தலைவர்களும் சுயபாசைகளை அரசகருமமொழியாக்குவதில் அக்கறைகாட்டி அரசசபையில் உரையாற்றினர். இவர்கள் எல்லாம் ஒருமித்து ஆதரவு தருகையில் பெருந்தலைவர்இ தமிழ்காங்கிரஸ்இ தமிழீழம் என்று புரளிகளைக் கிளப்பி தமிழ் மக்களின் தலைவனாக வலம் வந்த ஜீ.ஜீ.பொன்னம்பலம் ஆங்கிலத்தைக் காப்பதற்காக சுயபாஷைகளை எதிர்த்தமை எப்படிப்பட்ட துரோகம்?

இந்த துரோகத்தின் பின்னால் மறைந்திருந்த சக்திகள் யார்? யாழ்ப்பாண உயர்வர்க்கத்தினுடைய ஆங்கில ஆதிக்கம் இலங்கை எங்கும் தக்கவைக்கப்படுவதற்கேற்ப “ஆங்கிலம் மட்டும்” என்கின்ற மொழிக்கொள்கையில் விடாபிடியாய் நின்ற ஜீ.ஜீ.பொன்னம்பலம் போன்றவர்கள் எப்படி அடிமட்ட மக்களினதும்இ கிழக்கு மாகாண மக்களினதும் தலைவர்களாய் இருக்கமுடியும்?ஆங்கில பிடியில் இருந்து மாறவிரும்பாத தமிழ்காங்கிரஸ் போன்ற கட்சிகளின் வெகுஜன விரோதப் போக்குகளே காலப்போக்கில் தென்னிலங்கையில் சுடர்விட்ட சுயபாஷைகளுக்கான இயக்கத்தை தமிழை விடுத்து தனிச்சிங்களத்துக்கான இயக்கமாக குறுக்கிவிடும் வாய்ப்புகளை வழங்கியது.

1956 ஆம் ஆண்டு சிங்கள அரசகரும மொழிச்சட்டம்.

1920களில் இருந்து இலங்கையில் உருவான சுயபாஷைகளுக்கான இயக்கம் காலப்போக்கில் ஏற்பட்ட சமூகஇ மதஇ பொருளாதாரஇ கலாச்சார நெருக்கடிகளினாலும்இ தேர்தல் அரசியலை நோக்கிய தமிழ் – சிங்கள அரசியல்வாதிகளின் குறுகிய நலன்களினாலும் உருமாறி சிங்கள அரசகருமமொழிச்சட்டம் ஆக குறுக்கப்பட்டு இறுதியில் (1956இல்) நிறைவேற்றப்பட்டது. இதனையே தனிச்சிங்களச்சட்டம் என திரிவுபடுத்தி சிங்கள பேரினவாதத்தின் செயற்பாடாக தமிழ் தலைமைகள் இன்றுவரை வர்ணித்து வருகின்றன. இந்த சட்டம் நிறைவேற்றப்பட்டமையை தமிழர்கள் எதிர்கொண்ட விதம் தொடர்ந்துவந்த இலங்கை அரசியலில் பாரிய விளைவுகளுக்கும் மாற்றங்களுக்கும் இட்டுச்சென்றது.

இந்தச் சட்டத்தினூடு இலங்கையின் அரசகரும மொழியாக சிங்களம் பிரகடனப்படுத்தப்பட்டது உண்மைதான். அது காலணித்துவ மொழியான ஆங்கிலத்தை அகற்றும் ஒரு செயற்பாட்டின் இறுதிக்கட்டம் எனும் வகையில் சாதகமான ஒன்றாகவும் சிறுபான்மைமொழியான தமிழையும் அதே தரத்துடன் அரசகரும மொழியாக்கத் தவறியது எனும் வகையில் பெருந்தன்மையற்ற ஒன்றாகவும் மட்டுமே பார்க்கப்பட்டிருக்க வேண்டும்;. தமிழ் மக்களின் நலனில் அக்கறை கொண்டவர்கள் என்று சொல்லப்பட்டவர்கள் தமிழுக்கும் சம அந்தஸ்து கேட்டு போராட முன்வந்தது நியாயமானதொன்று. ஆனால் தமிழ் பேசும் பகுதிகளில் இந்தப் போராட்டம் நியாயமான வடிவங்களில் முன்னெடுக்கப்படவில்லை. “தனிச்சிங்களச் சட்டம்” என்று திரும்பத் திரும்ப பிரச்சாரப்படுத்தியதன் மூலம் இச்சட்டமானது தமிழ்மொழியை அழித்து சிங்களத்தை மட்டும் இலங்கைவாழ் மக்கள் எல்லோர்மீதும் திணிக்கும் ஒரு சட்டமாக உருவகிக்கப்பட்டது. இந்த உருவகிப்பானது சிங்களப் பெரும்பான்மை இனம்மீது ஒரு அச்ச உணர்வை தமிழ் பேசும் மக்கள் எனும் வகையில் கிழக்கு மாகாணத்தமிழர்களிடமும் ஏற்படுத்தியதில் வியப்பு ஏதும் இல்லை.

இதற்கு வசதியாக வடகிழக்குப் பிராந்தியத்துக்கு வெளியே அரச உத்தியோகத்தர்களாய் இருந்த பல யாழ்ப்;பாணத்தவர்கள் இடைநிறுத்தப்பட்டமை அமைந்தது. கிழக்கு மாகாணத்தில் இருந்து வெகுசிலரே இச்சட்டத்தினால் (தென்னிலங்கைப் பகுதியில்) வேலைவாய்ப்பினை இழந்தனர். இது எப்படியிருந்தபோதும் ஆங்கிலம் தெரியாத சிங்கள பாமர மக்களிடையே பணிபுரிகின்ற அரச உத்தியோகஸ்தர்கள் அம்மக்களுக்குப் புரியக்கூடிய சிங்கள மொழியில் அடிப்படை அறிவு பெற்றிருக்க வேண்டும் என கேட்கப்படுவதில் எவ்வித தவறும் இருக்கமுடியாது. இதையே தமிழ் பகுதியில் பணிபுரிந்தவர்களிடமும் சிங்களத்தைக் கற்கக் நிர்ப்பந்தித்திருந்தால் அதுவே இனவாதமாக இருக்கமுடியும். அதைவிடுத்து பொத்தாம் பொதுவாக “சிங்களம் தெரியாவிட்டால் அரசபணி புரியமுடியாது” என்கின்ற நிலை ஏற்பட்டுவிட்டதாக திரிபுபடுத்தல் பிரச்சாரங்களை தமிழரசுக்கட்சி மேற்கொண்டது. இப்படியான ஒரு மாயையை தமிழ் மக்களிடையே பரப்பும் விதமான ஒருபிரச்சாரம் அதிக கல்விபெறாது தமது கிராமிய பொருளாதார வாழ்வினில் நிம்மதியுடன் வாழ்ந்து வந்த கிழக்கிலங்கை மக்களிடத்தில் “கலவர” மனநிலையை உருவாக்கியது. தமிழ் மொழியின் எதிர்காலப் பாதுகாப்புச் சம்பந்தமாக பாரிய ஆபத்தொன்;றை எதிர்கொள்ள வேண்டிய நிலை இருப்பதாக யாழ்ப்பாணத்து அரசியல்வாதிகள் மேற்கொண்ட பிரச்சார யுத்தி கிழக்கிலங்கை மக்களை வெகுவாக அச்சமடையச் செய்தது. சிங்களக் கிராமங்களைக் கொண்ட நீண்ட எல்லைப்புறங்களை மிக அண்மித்ததாக உடைய கிழக்கிலங்கை மக்களுக்கு தமது எதிர்காலப் பாதுகாப்பு என்ன என்கின்ற கேள்விகள் எழுந்தது. இதன்காரணமாக தமது பாதுகாப்பு உணர்வினைக் கருத்தில் கொண்டு செயற்படும் பெரும்பான்மை தமிழர்களைக் கொண்ட வடமாகாணத்து அரசியலுடன் இணைந்து கலப்பதே ஒரே வழியென கிழக்கிலங்கை எங்கும் பொதுசன மனநிலையொன்றை தோற்றுவிப்பதில் யாழ்ப்பாணத்து அரசியல்வாதிகள் வெற்றி கண்டனர்.

to be continued..

Read more »

புலிகளை திருத்த முயற்சிக்காதீர்கள்

– சுகந்தன்
*மஹிந்தாவை போர்கால குற்றச்சாட்டில் சர்வதேச நீதிமன்றத்தில் தண்டனை பெற்றுக் கொடுப்பதற்கே தலைவர் முல்லிவாய்காலில் சரண் அடைந்தார்!
*குறைபாடுகளை சரிசெய்வதற்காக தற்காலிகமாக தமிழ் செல்வனின் சிலை அகற்றப்பட்டுள்ளது!
தமிழ் புத்திஜீவிகளே, ஆய்வாளர்களே, கல்விமான்களே, அனுதாபிகளே தயவு செய்து எஞ்சியிருக்கும் புலிளை தொந்தரவு செய்ய முற்படாதீர்கள். அப்படி செய்ய முட்படுவார்களாயின் உங்கள் நேரமும், சக்தியும் வீணாகுமே தவிர அதில் பயன் ஏதும் உங்களுக்கோ, தமிழ் சமூகத்திற்கோ அல்லது புலிகளுக்கோ ஏற்படபோவதில்லை. ஏனெனில் அவர்கள் உலகில் வாழும் ஏனைய மக்களை போன்ற தொரு தரத்தினை எட்டுவதற்கு அடம் பிடிப்பவர்கள். எட்டாம் வகுப்பு படித்தவரினால் புகட்டப் பட்டமையினால், அதற்கு அப்பால் தாண்டுவதற்கு அடம்பிடிப்பவர்கள்.

யாராவது கூறுங்கள், கொலைகளை நடத்தியதினை தவிர புலிகள் இதுவரையில் உருப்படியான எதனையும் தமிழ் இனத்திற்கு செய்திருக்கின்றார்களா? ஒரு மனிதன் தீர்கதரிசனமாக கூறுவதினை இவர்கள் தீண்டுவதில்லை, ஒரு சம்பவம் குறித்த சாத பாதகங்களை ஆராய்ந்து, சரியான முறை இதுவாகவே இருந்திருக்க வேண்டும் என்று கூறினால்! அது அவர்களுக்கு விளங்குவதில்லை. இலங்கையின் ஜனாதிபதி மஹிந்த லண்டனிற்கு சென்றது , தானே யுத்தத்தினை வென்றதாக தம்பட்டம் அடிப்பதற்காகவே என்பது எமக்கு விளங்கும், ஆனால் புலிகள் அங்கு ஆர்ப்பாட்டம் நடத்தியமை இலங்கையில் இருக்கின்ற தமிழர்களுக்கு எவ்வளவு பாதகத்தினை ஏற்படுத்தும் என்பதினை அவர்கள் புரிந்து கொள்ள வேண்டும் என்று தமிழர் விடுதலை கூட்டணியின் தலைவர் ஆனந்தசங்கரி தெரிவித்து இருந்தார், லண்டனில் இருந்து ஒலிபரப்பாகும் ரிபிசி வானொலிக்கு வளங்கிய செவ்வியிலேயே அவர் இதனை கூறியிருந்தார்.

அவர் கூறியது போன்று, லண்டன் ஆர்பாட்டத்தின் வெளிப்பாடுதான் தமிழில் மொழியான தேசிய கீதத்தினை அவர்கள் இரத்து செய்ய முனைந்ததாக இருக்கலாம்.

புலம் பெயர்ந்த காகிதப்புலிகளே உங்களினால் சிந்திக்க முடியாது விட்டாலும், சிந்திப்பவர்களின் கருத்துக்களையாவது கவனியுங்கள். மஹிந்தாவை ஒக்ஸ்வோட் ஒன்றியத்தில் பேசவிடமால் தடுத்ததினை காட்டிலும், அவரை பேச அனுமதித்து, லண்டனில் வசிக்கும் ஈழத்து கல்விமான்கள், பல்கலைக்கழக மாணவர்களை வைத்து கேள்விகளை கேட்க வைத்திருப்பீர்களாயின் அது ஒரு ஆவனமாக்கப்பட்டு இருக்கும்.இது குறித்து எனது நண்பர் ஒருவருடன் நான் கதைத்த பொழுது, அவர் என்னை பார்த்து சிரித்துவிட்டு கூறினார். புலிகள் அனுப்பிவைக்கின்ற மாணவர்கள் சப்பாத்தை கழட்டி எறிந்து ஈழத்து மாணவர்களின் மரியாதையினை கெடுத்துவிட்டு வந்திருப்பார்களே தவிர கேள்வி கேட்டு இருக்க மாட்டார்கள் என்றார். பல்கலைக்கழக அரங்குகளில் பேசுபவர்களின் பேச்சுக்களை கேட்க வருபவர்கள் கல்விமான்களாகவும், சரித்திர ஆய்வு திறனாளர்களாவும் இருப்பார்கள். மஹிந்தவை பேசவைத்து அவர்களை கேள்வி கேட்க வைத்திருந்தால், இலங்கை அரச தலைவர்கள் எவ்வகையான ஆக்கிரமிப்பு எண்ணமும், சிறுபான்மையினங்களுக்கு எவ்வளவு மதிப்பு கொடுக்கின்றார்கள் என்பதும் உலகிற்கு தெரிய வாய்ப்பாக அமைந்திருக்கும். பி.பி.சி 4 பத்திரிகையாளர்கள் உட்பட பலரின் கேள்விகளுக்கு அவரை மஹிந்தாவை பதில் கூற வைத்திருக்க வேண்டும்.

இதனைத்தான் ரட்ணஜீவன் கூல் அவர்கள் மிகவும் திடமாக கூறினார், “பல்கலைக்கழங்கள் என்பது கற்றலுக்கும், சுதந்திரமான சிந்தனைகளை பகிர்ந்துகொள்வதற்கான இடங்களாகும் “ (Universities are places of learning and independent thinking )என்றார். ஜனாதிபதி அங்கு பேசுவதற்கு அனுமதிக்கப்பட்டிருக்க வேண்டும், அப்பொழுது வருகை தந்திருந்தவர்கள் கேள்விகளை கேட்க முடிந்திருக்கும். (He should have been allowed to address the forum and the audience could have come out with questions). புலிகளின் ஊடகங்கள் இதற்கு உடனடியாக பதிலும் கூறிவிட்டார்கள், அவர் ஒரு துரோகி, உபதலைவர் பதவிக்காக ஒத்துப் பாடுகின்றார் என்பதாகும்.

ஒரு ஆரோக்கியமான சமூகத்தினால் ஏற்றுக்கொள்ளக் கூடிய எந்த செயல்களையும் செய்ய தெரியாதவர்களாகவே புலிகள் இருக்கின்றார்கள். மாற்றி கூறுவதானால் இவர்களின் செயற்பாடுகள் எதுவும் ஏற்றுக்கொள்ள முடியாத வகையிலேயே இருக்கின்றது. இவர்கள் இப்படியாக இருப்பதினால் இவர்களை வைத்து இன்னமும் சில ஊடகங்கள் பிழைப்பு நடத்தி வருகின்றன. இவர்கள் ஊடகம் நடத்துவது தமது பிழைப்பிற்கும், பாராளுமன்ற உறுப்பினராகவுள்ள சகோதரரின் விளம்பரத்திற்கும் ஆகவே இருக்கின்றது.

கிளிநொச்சியில் கூரையில் இல்லாத பாடசாலையில், தரையில் பட்டினியோடு இருந்தும் படிக்கும் மாணவர்களுக்கு கம்பியூட்டர் கொடுத்ததினை கொட்டை எழுத்தில் போட்டு பிரச்சாரம் செய்கின்றார்கள். எம்.பி ஆக இருக்கும் சிறிதரனோ தமிழ் கட்சிகள் இணைவதில் தனது உடன்பாடு இல்லை என்பதுடன், அதனை தன்னால் ஏற்றுகொள்ள முடியாது என்கின்றார். அத்துடன் முள்ளிவாய்க்கால் புலிகளின் முடிவல்ல அது ஆரம்பம் என்றும் கூறுகின்றார். புதியதாக நாடாளுமன்றம் சென்றவர் தான் சொத்து சேர்பதற்குள், இந்த கட்சிகள் ஒன்று பட்டு தன்னுடைய பிழைப்பையும், ஐரோப்பாவில் இருக்கும் சகோதரர்களின் பிழைப்பையும் கெடுத்துவிடுவார்களோ என்ற பீதியில், என்ன பேசுவது என்று புரியாமல் சிறீதரன் புலம்புகின்றார்.

மஹிந்தாவை போர்கால குற்றச் சாட்டில் சர்வதேச நீதிமன்றத்தில் தண்டனை பெற்றுக் கொடுப்பதற்கே தலைவர் முள்ளிவாய்காலில் சரண் அடைந்தார்!

புலிகளின் ஊடகங்களில் அண்மையில் வந்த இரண்டு செய்திகள் சிரிப்பினை ஏற்படுத்தி இருந்தது. அத்துடன் புலம் பெயர்ந்த நாடுகளில் வாழும் புலி ஆதரவாளர்கள் கடைஞ்சு எடுத்த முட்டாள் என்ற தொனியில் அந்த இரண்டு செய்திகள் இருந்தன. ஒன்று முள்ளிவாய்காலில் பிரபாகரன் சரணடைந்தமை தொடர்பாகவும், மற்றொன்று பிரான்ஸ் நாட்டில் தமிழ்செல்வனின் சிலை அகற்றப்பட்டமை தொடர்பான செய்திகள் ஆகும்.

முள்ளிவாய்க்காலில் புலிகளில் தலைவர் பிரபாகரன் தீர்க்கதரிசமான முடிவினை எடுத்து இருந்தார் என்றும், அது என்னவெனில் அரச தலைவர்களை போர்கால குற்ற செயலில் மாட்ட வைத்து சர்வதேச நீதிமன்றத்தில் நிறுத்தி தண்டணை பெற்றுக் கொடுப்பதற்காவே அவர் சைனைற் குப்பியை கழட்டி எறிந்துவிட்டு சரண அடைந்தார் என்று புலிகளின் இணையதளம் ஒன்றில் ஒருவர் கட்டுரை வரைந்திருந்தார். இதனை வாசித்தால் யார்தான் சிரிக்காமல் இருப்பார்கள்?

தலைவரின் தீர்க்க தரிசனம் அப்படியாக இருந்தால் அது மெய்சிலிர்க்க கூடியதாகவே இருக்கின்றது. வட கிழக்கு மக்களை வாக்களிக்க விடாது தடுத்து, மஹிந்தாவை ஜனாதிபதியாக்கி, மாவிலாற்றில் சண்டையை ஆரம்பித்து, மன்னாரை திறந்து விட்டு, முகமாலையில் இருந்து பின்வாங்கி, கிளிநொச்சியை பிடிப்பது என்பது மஹிந்தவின் பகற்கனவு என்று கூறி, மஹிந்தாவை ஆவேசப்படுத்தி படையினரை வேகமாக முன்னேறவைத்து, பின்னர் கிளிநொச்சியில் இருந்தும் வெளியேறி, முன்னேறும் படையினருக்கு சிரமம் இருக்க கூடாது என்பதற்காக, மக்களை அழைத்துக் கொண்டு முல்லைதீவு வரை சென்று, பொதுமக்கள் அதிகளவில் கொல்லப்பட்டால் மஹிந்தாவிற்கு கடும் தண்டணை கிடைக்க வைக்கலாம் என்பதற்காக மக்களை பாதுகாப்பு கேடயங்களாக்கி, மூத்த தலைவர்கள், குடும்பம் எல்லோரையும் முள்ளிவாய்காலுக்கு அழைத்துசென்று, சரண் அடைபவர்களை மொக்கு சிங்களவன் கொல்லாது விட்டால்! திட்டமே பிழைத்து விடும் என்பதற்காக, முதலில் நடேசனையும், புலித்தேவனையும் அனுப்பி வைத்து ஊர்ஜிதப் படுத்திவிட்டு, இறுதியாக தலைவர் சரண் அடைந்தது என்பது, தலைவரின் மெச்சத்தக்க தீர்க்க தரிசனம் என்பதினை மறுக்க முடியாது.

புலிகள் மாவிலாற்றை இழந்த போது தலைவருக்கு மதியுரைஞராக இருந்த பாலசிங்கம் அவர்கள், புலிகளின் தலைவரை ஓமந்தைக்கு ஓடி சென்று சரண் அடைய சொல்லி இருப்பார் போலும். (மாவிலாற்று சண்டை ஆரம்பம் ஜூலை .2006, பாலசிங்கம் மரணம் டிசம்பர் 14,2006)
மேற்கூறிய இந்த இரண்டு செய்திகளையும் படித்த பின்னர் இவர்கள் ஏன் இப்பொழுதும் இப்படியாக எழுதுகின்றார்கள் என்று நினைக்கும் போது பதில் எழுதாமல் இருக்க முடியவில்லை. நாமும் பேசாது இருந்துவிட்டால்! முழு ஈழ தமிழினத்தையும் தாம் முட்டாள்கள் ஆக்கி விட்டாதாக நினைதுகொள்வார்கள். அதற்கு இடம் கொடுக்க கூடாது என்பதற்காகவே இப்படி எழுதவேண்டியுள்ளது. இப்படியாக எழுதினாலேயும் இவர்கள் திருந்துவார்களோ என்ற நட்பாசை இன்னமும் சிறிதளவில் இருக்கின்றது.

இவர்கள் இப்படியென்றால் போதாதற்கு சீமானும் வெளியில் வந்து விட்டார். சொல்லி அடிப்பேன் என்று கதை எழுதப்போகின்றாராம். இது சினிமாவிற்கு அல்ல, ஜூனிய விகடனுக்கு தொடர் கட்டுரை எழுதப் போகின்றார்.

குறைபாடுகளை சரிசெய்வதற்காக தற்காலிகமாக தமிழ் செல்வனின் சிலை அகற்றப்பட்டுள்ளது!

தமிழ் செல்வனின் சிலை பிரான்ஸ் நாட்டில் உள்ள லாகூர்னவ் (La Courneuve) நகர் பகுதியில் இருந்து அகற்றப்பட்டுள்ளதாக புலிகளின் பெயரை கூறி பிழைப்பு நடத்தும் ஊடகங்கள் சில செய்தி வெளியிட்டுள்ளன. முதலில் தமிழ் செல்வனின் சிலையினை தனி ஒருவருக்கு சொந்தமான காணிக்குள் வைத்து விட்டு பிரான்ஸ் நாட்டில் தமிழ் செல்வனுக்கு சிலை என்று பிதற்றியது தேவையற்றது. அடுத்தது அந்த சிலை அகற்றப்பட்டமைக்காக அவர்கள் கூறிய காரனம். இலங்கை நாட்டின் வெளிநாட்டு அமைச்சகமே இந்த செய்தியினை முதலில் வெளியிட்டு இருந்தது. லாகூர்ணவ் நகர மேயர்,மற்றும் பிரான்ஸ் நாட்டு வெளியுறவு அமைச்சகம் ஆகியவற்றின் கவனத்திற்கு தாம் கொண்டுவந்ததினை அடுத்து தமிழ் செல்வனின் சிலை அகற்றப்பட்டதாக இலங்கை வெளிநாட்டு அமைச்சகம் அறிவித்திருந்தது. இதனை அடுத்து புலிகளின் பெயரை வைத்து பிழைப்பு நடத்தும் ஊடகங்கள் சில, தமிழ் செல்வனின் சிலை பிரான்ஸ் நாட்டு அதிகார தரப்பினால் அகற்றப்படவில்லை என்றும், சிலைகளில் இருந்த சில குறைபாடுகளை நிவர்த்தி செய்வதற்காகவே அந்த சிலை எடுத்து செல்லப்பட்டதாக தெரிவித்துள்ளன.

கேட்பவன் கேணையனாக இருந்தால், ஏய்ப்பவன் எலி ஏறோப்பிளேன் ஓட்டுகிறது என்பானாம். அதே போன்றதொரு கதையாகவே இதுவும் இருக்கின்றது. நல்ல வேளை கடும் பனி மற்றும் குளிரால் சிலையை பாதுகாப்பதற்காக தூக்கி சென்றோம் என்று எழுதவில்லை. சிலையை ஏன் குறைபாடுகளுடன் நிறுவினீர்கள்? உங்களுக்கு புத்தி சரியாக வேலை செய்யாது என்பது எங்களுக்கு தெரியும், அப்படித்தான் குறைபாட்டுடன் நிறுவி இருந்தாலும், அதில் வைத்தே அதனை திருத்தி இருக்கலாமே. ஏன் தூக்கி சென்றீர்கள்.

நீங்கள் குறைப்பாடுகளை சரிசெய்வதற்காக தூக்கி சென்றிருந்தால்! எப்பொழுது சிலை குறைபாடுகளை முடிவடைந்து, மீண்டு நிறுவீர்கள் என்பதினை கோடை காலம் வரையில் பொறுத்து இருந்து பார்ப்போம். தைப்பொங்கலுக்கு தலைவர் தமிழ் ஈழம் எழுத்து தருவார் என்று முப்பது வருடம் முள்ளிவாய்க்கால் மட்டும் காத்திருந்த நாம், மூன்று மாதங்கள் பொறுக்க மாட்டோமா?

Read more »

உயிரின் ஆணி வேரைத் தொடும் அற்புதமான ஆனந்தம் காதல்!

அன்பின் பிணைப்பில் எதிர்பால் உணர்வுகளை ஒருங்கே சங்கமிக்கச்செய்து எதிர்மறைகள் அனைத்தையுமே கட்டிப்போட்டு இலட்சியத்தோடு நடக்கத் தூண்டும் ஆழத்தோடான புனிதமான உறவு காதல். இந்தக் காதலுக்கு மகுடம் சூட்டும் நாளாக மேலைநாட்டுக் கலாசாரத்தில் உருவானது தான் காதலர் தினம். ஒவ்வொரு வருட பெப்ரவரி 14 ஆம் திகதியும் கொண்டாடப்படும் காதலர் தினம் கீழைத்தேச இளைஞர்களையும் வெகுவாகக் கவர்ந்து வருகிறது.

வியாபார நோக்கில் மேலைத்தேயர்களின் சுயநலத்திற்காக உருவாக்கிய தினம் என்றும் கலாசார சீரழிவுக்கு வித்திடுகின்றது என்றும் குறிப்பிட்ட சிலர் காதலர் தினத்துக்கு எதிர்ப்பு தெரிவித்து வருகின்றனர்.

எனினும் காதல் என்பதை கறுப்புக் கண்ணோட்டத்தில் பாராமல் ஆழமான அன்பின் அடித்தளமாக நோக்குபவர்கள் காதலர் தினத்துக்கு ஆதரவு தெரிவிக்கின்றனர். காதலர் தினம் உருவான விதம் பலவிதமாக கூறப்படுகிறது. செவி வழியிலான கதைகள் அதிகம் பேசப்படுவதுடன் ரோமானிய பாதிரியாரின் கதை எழுத்துருவில் உள்ளதாகக் கூறப்படுகிறது.

கி.பி. 270 ஆம் ஆண்டு காலப் பகுதியில் ரோமானியாவை ஆண்ட சக்கரவர்த்தி அங்கு நடைபெறும் திருமணங்களுக்குத் தடை விதித்திருந்தான். ஆண்கள் பெண்களைப் பார்த்துப் பேச முடியாத நிலை ஏற்பட்டதுடன் அதனை மீறியோருக்கு கடும் தண்டனை வழங்கப்பட்டு வந்தது. ஆண்கள் காதலிப்பதால்இ மணம் செய்வதால் இராணுவத்தில் சேர்வதில்லை என்றும்இ இது ரோமானிய இராணுவத்தை பலப்படுத்துவதற்கான திட்டம் என்றும் கூறப்பட்டது.

இந்நிலையில் வலண்டைன் என்ற பாதிரியார்இ சக்கரவர்த்தியின் கட்டளையையும் மீறி பலருக்குத் திருமணம் செய்து வைத்தார். காதலர்களைச் சேர்த்து வைத்ததால் பாதிரியார் மீது அந்த மக்கள் அதிக அன்பு கொண்டிருந்தனர். இதனை அறிந்து கொண்ட சக்கரவர்த்தி சிறைத்தண்டனை வழங்கியதாகவும் பெப்ரவரி 14 ஆம் நாள் அவரைக் கல்லால் அடித்து சித்திரவதை செய்து கொன்றதாகவும் சொல்லப்படுவதுடன் காதலர்களின் அன்பை மதித்தமையால் வலண்டைன் பாதிரியார் இறந்த தினம் பின்னாளில் வலண்டைன் எனும் காதலர் தினமாக அது அறியப்பட்டதாகவும் சொல்லப்படுகிறது.

எவ்வாறிருப்பினும் காதலுக்கும் தமிழுக்கும் நெருங்கிய தொடர்புண்டு. காதல் காவியங்கள் இன்னும் வாழ்ந்து கொண்டிருப்பதுடன் செழுமைத் தமிழை மங்காமல் வாழவைத்துக் கொண்டிருக்கிறது என்பதை நாமறிவோம். பொருத்தமான துணையை அடைவதில் தவறில்லை. அவ்வாறு தேர்ந்தெடுப்பதில் தான் பிரச்சினை இருக்கிறது. பள்ளிப்பருவக் காதல்இ பஸ்தரிப்பிடக் காதல்இ முன் வீட்டுக் காதல்இ மொட்டை மாடிக்காதல் என நினைத்த மாத்திரத்தில் காதல் கொண்டு புணர்ந்து காணாமல் போவதற்குப் பெயர் காதல் அல்ல. அன்பின் புனிதத்துவம் கெடாமல் காலம் உணர்ந்து காத்திரமான உறவாக வளர்ந்து புரிந்துணர்வு விட்டுக்கொடுப்புடன் மிளிரும் காதல் பெற்றோருக்கும் கட்டுப்படும் என்பதில் ஐயமில்லை.

இராமாயணம் முதல் ஐம்பெருங்காப்பியங்கள் அடங்கலாக இலக்கியங்கள்இ இதிகாசங்கள் காதலையும் காதலின் உணர் நிலையையும் வெளிப்படுத்துவனவாகவே உள்ளன. ”காலத்தின் கண்ணாடி இலக்கியம்”" என்பர்கள். காதல் பழங்காலம் தொட்டு மனித உள்ளங்களில் நின்று நிறை கின்றமை தெரிகிறது. ஆகஇ காதலிப்பது தவறா? காதல்கொள்வது தவறா? அல்லது காதல் தவறா? போன்ற அடிப்படைக் கேள்விகளுக்கு விடை காணவேண்டி வருகிறது. காதல் தவறு என எங்கும் குறிப்பிடப்படவில்லை. அது தவறு என்று சொல்வதற்கும் இல்லை. திரைப்படங்களில் வரும் காட்சிகளைப் போன்று முகம் காணாத ஒருவரை இலேசாக உரசிச் செல்லும்போது கண்ணும் கண்ணும் பார்த்துக்கொண்டு மறுநாள் காமத்தில் மூழ்கிவிடுவது தவறான கண்ணோட்டடாகும்.

வெறுமனே பார்த்தல்இ பழகுதல்இ பேசுதல் மாத்திரமன்றி ஒருவருக்கொருவரின் புரிந்துணர்விலும் விட்டுக் கொடுப்பிலும் காதலின் அடித்தளம் அமைகிறது. இது திருமணத்தின் முன்னதாகவோ பின்னராகவோ இருக்கலாம்.

திருமணத்தின் முன்னர் தான் காதல் என்றும் காதலின் இலட்சியம் திருமணம் தான் என்பதும் இளைஞர்கள் பலரின் எண்ணமாக இருக்கிறது. உண்மையான காதல் மரணித்தும் கூட வாழ்கிறது. ஏனென்றால் உயிரில்இ உணர்வுகளில் உயிரோட்டமாய் மாறி மனதின் அத்தனை மையங்களையும் அன்பால் கட்டுறச்செய்து சுவாசம் போன்று தொடரும் காதல் மரணித்த பின்னும் மணம் கொள்கிறது.

காதல் செய்யும்போது தம்மை காவியங்களின் கதாநாயகனாகவும் கதாநாயகியாகவும் நினைத்து யதார்த்தத்தை மறந்து களிக்கும் காதலர்கள் எத்தனை பேர் தமது இலட்சியம் பற்றிச் சிந்திக்கிறார்கள்? மற்றும் காதலர்களின் வழியில் பெற்றோரை எதிரிகளாக பார்ப்பதும் பெற்றோர் காதலை நஞ்சென்று நோக்குவதும் பற்றிப் பார்த்தல் வேண்டும்.குழந்தை பிரசவமானதும் தாயானவள் அந்தக் குழந்தையை பற்றியும் அந்தக் குழந்தையை எவ்வாறு வளர்க்க வேண்டும் என்பது பற்றியும் கனவு காண்கிறாள். தந்தை தனது கடமை குறித்து உணர்கிறார். இந்நிலையில் பிள்ளை வளர்ந்ததும் காதல் கொள்வதால் தவறான வழிக்கு இட்டுச் செல்லப்படுமோ என்ற ஆதங்கம் ஏற்படுகிறது. அதுவே பின்னாளில் எதிர்ப்பாக மாறுகிறது.

எனினும் ஆழமான அன்பினை வெளிப்படுத்துவதாக அமைந்து பெற்றோர் கண்ட கனவு கலையாத விதத்தில் தேடப்பட்ட துணையை பெற்றோர் ஏற்றுக்கொள்கிறார்கள். அதே நேரம்இ பெற்றோரின் மனநிலை பாதிக்கப்படாத விதத்தில் தமது காதல் துணையை தேடிக்கொள்ள வேண்டியது பிள்ளைகளின் கடமையாகும்.

மேல்நாட்டவர்களால் கண்டுபிடிக்கப்பட்டது காதலர் தினம்என்கிறோம்.இதில்நல்லவற்றை மட்டும்எடுத்துக்கொண்டால் என்ன? பரிசுப்பரிமாற்றங்களை விட தாம் கொண்டுள்ளது உண்மையான காதலா? அதன் நோக்கம் என்ன? அதனால் இலட்சியம் பாதிக்கப்படுகிறதா? பெற்றோரின் எண்ணப்பாடு என்ன என்பது பற்றி சுயமதிப்பீடு செய்யும் நாளாக அதனைக் கொள்ளலாம் அல்லவா?ஊடல் கூட குதூகலமான இன்பத்தை தருகிறது. இனிமையான பொழுதுகளைத் தருகிறது. வாழ்க்கையை ரசிக்கத் தூண்டுகிறது. இதயத்தின் ஆணிவேர் வரை சென்று ஒவ்வொரு நிமிடங்களையும் ரசனை நிறைந்த ரம்மியமான பொழுதுகளையாய் கழியச்செய்யும் காதலின் மகத்துவம் உணர்ந்து புரிதலோடு தொடர்வோம். காதலர் தினம் இன்பம் நிறைந்ததாகட்டும்.

Read more »

இளைஞன்

1959-ஆம் காலகட்டத்தில் சென்னைக்கு அருகேயுள்ள ஒரு கிராமத்தில் நிகழும் கதை. இளைஞன் - பழைய மனிதன்

ஒரு கப்பல் கட்டும் தொழிற்சாலை. வெளி உலகத்தையே பார்க்க முடியாமல், அதற்குள் அடைபட்டு கிடக்கிறார்கள் ஆயிரக்கணக்கான தொழிலாளர்கள். அவர்களை அடிமைகளாக நடத்துகிறான், கப்பல் தொழிற்சாலையின் அதிபர் தெய்வநாயகத்தின் மகன் ராஜநாயகம். இவனுடைய ஆசைநாயகி சேனாவின் ஆலோசனைப்படி, தொழிலாளர்களுக்கு தினமும் பதினான்கு மணி நேர வேலை கொடுத்து சித்ரவதை செய்கிறான். ராஜநாயகத்தின் அடக்குமுறைகளுக்கு எதிராக உதயமாகிறான், தொழிலாளர்களின் ஒருவனான கார்க்கி, அவனுடைய போராட்டத்துக்கு ஆதரவாக நிற்கிறாள், ராஜநாயகத்தின் தங்கை மீரா. இருவரும் சேர்ந்து துண்டு பிரசுரங்கள் மூலம் தொழிலாளர்கள் மத்தியில் எழுச்சியை ஏற்படுத்துகிறார்கள். குறிப்பிட்ட காலத்துக்குள் கப்பலை கட்டி முடிப்பதற்காக ராஜநாயகமும், சேனாவும் சேர்ந்து ஒரு நாடகம் ஆடுகிறார்கள். அதை கார்க்கியும், மற்ற தொழிலாளர்களும் நம்பி, இரவு-பகலாக வேலை செய்து, கப்பலை கட்டி முடிக்கிறார்கள். அவர்களை ராஜநாயகம் விடுதலை செய்தானா, இல்லையா? என்பது இறுதிக்காட்சி. கதாநாயகர் கார்க்கியாக பா.விஜய் ஆரம்ப காட்சிகளில் தெரிந்தாலும் அதன்பின் பாத்திரம் அறிந்து பளிச் என்று நடித்திருக்கிறார். தொப்பை தொந்தியெல்லாம் குறைத்து கதாநாயகர்களுக்குரிய லட்சணத்தை பெற கடினமாக உழைத்திருக்கும் பா.விஜய்க்கு காதல் நாயகர் பட்டத்தை வேண்டுமானால் சிபாரிசு பண்ணலாம். ஆனால் புரட்சி நாயகர் பட்டத்திற்காக அவர் போராடியிருப்பது குருவி தலையில் பனங்காய் வைத்த கதையாக தோன்றுவதை தவிர்க்க இயலவில்லை! பா.விஜய்க்கு அம்மாவாக குஷ்புவும், அப்பாவாக நாசர் மற்றும் மாமாவாக டெல்லிகணேஷ் தங்களுடைய நடிப்பில் சிறப்பாக நடித்துள்ளனர். வில்லன் கேரக்டரில் சுமன் மற்றும் 'நான் கடவுள்' ராஜேந்திரன் சிறப்பாக நடித்துள்ளனர். சுமன் (ராஜநாயகம்) என்ற கேரக்டராகவே மாறி நடித்துள்ளார். 'படையப்பா' பட நீலாம்பரியே மிஞ்சும் அளவுக்கு நமிதா (சேனா) கேரக்டர் அமைந்துள்ளது. என்ன.. அவர் தமிழை கடித்து சேதப்படுத்துவதைத்தான் தாங்க முடியவில்லை. பா.விஜய்யின் போராட்டத்துக்கு ஆதரவாக நிற்கும் மீராவாக, மீராஜாஸ்மின். அப்பாவை அண்ணன் கொலை செய்து கடலில் வீசிவிட்டான் என்பதை அறிந்து கதறும் இடத்தில், நெகிழ வைக்கிறார். ரம்யா நம்பீசனுக்கு அதிக வேலையில்லை. கணக்குபிள்ளை ஒய்.ஜி.எம்.மின் மகளாக பா.விஜய்யின் காதலியாக காதல் ஓவியங்கள் தீட்டுவதும், பா.விஜய்யுடன் சேர்ந்து டூயட் பாடுவதற்கு பயன்பட்டு இருக்கிறார். வடிவேலுவின் நகைச்சுவை எடுபடவில்லை. கருணாஸ் கொஞ்சமாக சிரிக்க வைக்கிறார். கலைஞரின் கதை, திரைக்கதை வசனத்தில் இவ்வளவு சுமாரான படம் இதுவரைக்கும் வந்ததில்லை. படத்துக்காக, பிரமாண்டமான முறையில் ஒரு நிஜ கப்பலையே உருவாக்கியிருப்பதுதான், படத்திலே சிறப்பம்சம். பணத்தை தண்ணியாய் செலவழித்திருக்கிறார் தயாரிப்பாளர் மார்ட்டின். இயக்குநர் சுரேஷ் கிருஷ்ணா தொழிற்சாலையையும், தொழிலாளர்களையும் படம்பிடித்த விதத்தில், ஹாலிவுட் பிரமிப்பை ஏற்படுத்தியிருக்கிறாரே தவிர, வேறொன்றும் புதுசாக காட்டவில்லை படத்தில். 50 ஆண்டுகளுக்கு முந்தைய கால கட்டத்தில் நடக்கும் கதை. ஆனால் பாடல்கள் நிகழ் காலத்தில்(அதுவும் வெளிநாட்டில்). நம்மை மடையர்கள் என்று எண்ணி விட்டார்களோ என்னவோ..? படத்திற்கு ஏற்றவாறு பாடல்கள் ஒன்றும் பொருந்தவில்லை. இருந்தாலும் பாடல்கள் இல்லாமல் படம் ஓடாதே. படத்தில் வரும் சண்டை காட்சியில் அனைத்தும் பிரமாதமாக உள்ளது. மொத்தத்தில் "இந்த இளைஞனைப் போல் ஒரு இளைஞனை ஈழத்தில் இழந்தது தான் மிச்சம்" அது நிஜம் இது நிழல். நடிகர்கள் - பா.விஜய், மீரா ஜாஸ்மின், ரம்யா நம்பீசன், குஷ்பு, சுமன், நமிதா, நாசர், வடிவேலு, டெல்லி கணேஷ், கருணாஸ் இசை - வித்யாசாகர் இயக்கம் - சுரேஷ் கிருஷ்ணா தயாரிப்பு - எஸ்.மார்ட்டின்

Read more »

இலங்கை முஸ்லிம் அரசியல் பற்றிய கதையாடல்.

அஹமட் ஷா

இலங்கையின் மூன்றாவது இனமாக (அதுவும் மொழியின்றி மத அடிப்படையில்) இருப்பது முஸ்லிம்கள் முஸ்லிம்களாகவே இருந்தால்: அது அப்படியொன்றும் அஞ்சத்தக்கதல்ல. இஸ்லாமிய அரசியலை விட்டு விட்டுப் பாதி ஜனனாயகமும் அடுத்தபாதி சோசலிஸமுமாய்ப் பேசுகிற உலக அரசியலில்; முதலாவது பெரும்பான்மை இனத்தின் செல்லப் பிள்ளை மூன்றாவது இனமென்றே சொல்லப்பட்டு வந்தது. ஆனால் நிலச் சுவாந்திரரான விவசாயக் கல்லுhரியில் பட்டம் பெற்ற டி. எஸ். சேனநாயக்காவிவின் தலைமையிலான சிங்கள காணி உரிமையாளர் சங்க முன்னேற்பாட்டில் முதன் முதலில் இலங்கையில் முஸ்லிம்களுக்கெதிராகவே இனக்கலவரம் நகர்ப்புறத்தில் எழுந்தது. இதன் பின்னர் சிறிமாவோவின் ஆட்சிக் காலத்தில் புத்தளம் பள்ளிவாயிலில் எட்டுபேரைக்கொன்று அவர் பங்குக்கு பாகம் பிரித்தார். அதாவது நீங்கள் தமிழரல்ல முஸ்லிம்கள் என ஆட்சியாளர்கள் இரத்தத்தால் எழுதிச்சொன்னார்கள்.

மேலும் அவ்வப்போது இருநபர் பிரச்சினை சிங்கள- முஸ்லிம்பேதம் பூசப்பட்டதாக புகைந்து ஒரு கிழமைக்குள் அரசியல்வாதி அரச ஆயுதப்படை எல்லாமாகச் சேர்ந்து நிலமை சுமூகமாகிவிடும் .முஸ்லிம்களின் வியாபாரத்தின் மீதான நாட்டமும் புத்தளம் படுகொலையும் முஸ்லிம்களின் பெருமளவு வாக்கு வங்கியை யு. என். பிக்குச் சார்பாகவே வைத்திருந்தது. எஸ். எல். பி.இல் இருந்த முஸ்லிம் எம்பிக்களையும் யு. என். பி இலிருந்த முஸ்லிம் எம்பிக்களையும் எண்ணிக்கை ரீதியில் ஒப்பிடும்போது இதைக் கண்டுகொள்ள முடியும். இதை இன்னும் இலகுபடுத்திச் சொன்னால் நீலக் கட்சி ஆட்சிக்கு வரும்போது பதியுத்தீனும் பச்சை ஆட்சிக்குவரும்போது எம். எச். முஹம்மதுவும் ஏ. ஸீ. எஸ். ஹமீதும் முஸ்லிம்களுக்கு தலைவர்களென்று அவர்களாகவே வந்து விடுவார்கள். இதையே பாராளுமன்றத்தில் அப்போதைய தானைத்தளபதி அமிர்" இந்த முஸ்லிம்கள் காகம்போல. யார் ஆட்சிக்கு வந்தாலும் அப்பக்கம்போய் தங்கள் காரியங்களை சாதித்துக் கொள்கிறார்கள் " எனத் திருவாய்மலர்ந்தருளினார்.

இன்றைக்கு விளக்கு என்னடா வெத்திலை என்னடா அவசரமான உலகத்திலே தமிழரின் வீடும் வாழ்வும்தாண்டா அவசியம் எனும் டக்ளஸ் அல்லது முப்பது வருடங்கள் போராட்டம் எனும் போர்வையில் வட கிழக்கில் முக்கியமாக தமிழ்ர்களையும் முஸ்லிம்களையும் சிங்களவர்களையும் அச்சத்தில் உறைய வைத்திருந்த முழுமானிட குலமே வெட்கப்பட்டு உள்ளாய் அழிந்துபோக மாட்டார்களா என அனுதினமும் வேண்டுமளவு வெறுத்தொதுக்கிய புலிகளின் புலன் பெயர் தலைவர் கே. பீ. இன்று அழுதுகொண்டு மக்களை வாழ்விக்க வந்தவராக பிலிம் காட்டுவதும் இத்தனை விலை கொடுத்தா இதைப் படிக்கவேண்டி இருந்தது என்ற கேள்வியை எழுப்புகிறது.

முஸ்லிம் சமூகம் ஒருவியாபார சமூகமாகவே இருந்தது. இதில் வெட்கப்பட ஏதுமில்லை. அவர்களுக்கு கட்சிக் கொள்கை அரசியல் நிலவரம் உலகப்போக்கு எதிர்கால யுக்தி எதுவும் வேண்டியிருக்கவில்லை. தேர்தல் வந்தவுடன் சாறனை மடிச்சுக் கட்டி "எங்கட துரை 20000வோட்டு வித்தியாசத்துல ஜெயிப்பாங்க"என மனக்கணக்கை ஒப்புவித்து துரைக்கு வேலை செய்யும். துரை கவிழ்ந்து போனால் ஒருமாததுக்குள்ளேயே உறவுக்காற ஒருத்தரை பிடித்து வென்றவனுடன் சேர்ந்து கொள்ளும்.. இதற்கு நிந்தவுhரின் முஸ்தபா காலத்தைய ஒருபகிடிக் கதைகூட உண்டு.அவரைச் சூழ இருந்த ஊர்ப்பெரிய தலைகளிடம் நீலம் பச்சை ஆகிய இரு நிறங்களிலும் தலைப்பாகையும் சால்வையும் இருக்குமாம்.பெரியவர் கொழும்புவில் இருந்து போன் பண்ணுவார்:

'பிரதமரைச் சந்திக்கணும். புறப்பட்டு வாங்கப்பா"சின்னது பவ்வியமாய்க் கேட்கும்:
'எந்தச் சால்வையப் போட்டுட்டு வரணும் சேர்"
“என்ன இது?" எனக் கேட்டால் “ அது அவங்கட புளைப்பு. நம்முட புளைப்ப நாம பார்க்க வேணாமா?" எனத் திருப்பிக் கேள்வியாய்க் கேட்கும்.

ஏரியாவில் கொஞ்சம பெரிய கை என்றால் வென்றவரே துhதுவிட்டு சில கொண்றெக்டுகளை அல்லது அரச வேலையைக் கொடுத்து தன் வசப்படுத்தும். பெரும்பகுதி மக்கள் கண்டுகொள்வதேயில்லை.' இதுவும் ஒரு புளைப்பாடா?” எனத் தெரிந்தவருள் கிண்டல் செய்யும். ஆனால் ஒரு உண்மையை நாம் அனைவரும் ஒப்புக்கொண்டே ஆக வேண்டும். அப்போதைய எம். பிக்களைச் சூழவும் கல்வி மத சங்கங்களில் ஓரளவாவது தங்கள் மரியாதைக்கு பயப்படுபவர்களான பிரதிநிதிகளே இருந்தார்கள். அரச சார்பாளர்களுக்கும் சாதாரண பொது மகனுக்கும் பாரிய இடைவெளி இருக்கவில்லை.

மொத்த இலங்கை முஸ்லிம்களின் அதிகார மையம் கொழும்புவாழ் அரச பிரதானிகளிடமே இருந்த காலம் அது. அப்போது தமிழ் பேசும் தாழ்த்தப்பட்ட சாதியினரில் ஒரு பிரிவினரே முஸ்லிம்கள் என அறிவுக்கொழுந்து செலீவா சொல்லப் போய் வாங்கிக்கட்டிக் கொண்டதையும் அது வேடிக்கை பார்த்தது. (இன்றைக்கு வடக்குத் தமிழர் குறுந்தேசியவாதிகள் கிழக்குத் தமிழரை ஏய்த்துப் பிழைத்தனர் முன்னரங்கில் பலிகொடுத்தனர் கறிவேய்ப்பிலையாய் பாவித்துவிட்டு துhக்கிவீசினர் என்றெல்லாம் இராசதுரை கனகரெத்தினம் கருணா பிள்ளையான ஆலயடிவேம்பு பியசேன சொல்வது ஞாபகம் வரக் கூடும்)

இங்கு சொல்லவந்ததில் இருந்து முஸ்லிம்களுக்கு இலங்கையின் அரசியலில் அன்று இருந்த ஈடுபாட்டின் அளவை ஓரளவு நீங்கள் மட்டிட முடியும். இன்னும் இதைப் புட்டுவைத்தால் இராமன் அல்லது இராவணன் எவன் ஆண்டாலும் என்சோலியில தலையிடாமலிருந்தாச் சரி என்பதாகவே இருந்தது. இதன் சோலி என்ன என்பதைப் பார்த்தோமானால் அதன் ஒட்டுமொத்த வாழ்வும் புரிந்து போய்விடும். இன்றைய முஸ்லிம்சமூக வாழ்வுமுறையைப் பார்க்கிற ஒருத்தரால் கற்பனைகூடப் பண்ண முடியாத வாழ்வு முறை அது. அத்துடன் ஒர் எம். பி என்னென்ன செய்ய முடியும் என அதுவாகவே ஒரு பட்டியல் வைத்திருந்தது. ரோடு போட , பாடசாலை அரசகாரியாலயக் கட்டடம் கட்டுதல், முதலில் அரச உத்தியோகம், பின்னர் ஊரோடு இடமாற்றம், வீட்டின் பிரதான நிகழ்வுகளில் ( மௌத்து, மணமக்கள் சேர்வு) பிரசன்னம் (போகவில்லை என்றால்-'என்ர ஊட்டு விஷேசத்துகே வரல்ல அவனுக்கெதுக்கு வோட்டுப் போடுறது?' என்பார்கள்) மத, பாடசாலை விழாக்களில் பிரதம அதிதி....எந்தவிதக் கொலைப் பயமுமின்றிய ராஜவாழ்வுதான் போங்கள். என்ன தேர்தல் நேரத்தில் மட்டும் சில இலட்சங்களை மனம்நோவாதபடி கிள்ளிப் போடவேண்டியிருந்தது.

இன்றைய சமூக வாழ்வுக்கு நேரெதிரான கட்டமைப்பு இருந்த பொற்காலம் அது. போடியார் (காணி உரிமையாளர்) தன் வயல் செய்பவனின் வீட்டுக் கூரையில் ஏறிநின்று கிடுகு கட்டுவது.ஒரு போகம் நஸ்டம (வெள்ளம், அறக்கொட்டி) வந்தால் அடுத்தபோகம் கொடுப்பனவின்றி வயல் செய்வது ஒரு மாதத்துக்கு முன்னரே திட்டமிட்டு அல்லயல் எல்லாம் பாக்குவெட்டி வீதி முழுக்க வெள்ளைத்துணியால் ஜோடனை செய்து லௌட் ஸ்பீக்கருல மூணுநாளாத் துhங்கவிடாம சினிமாப் பாட்டுப் போட்டு கலியாணம் கந்துரி சுன்னத்து......அடப் போங்கப்பா எப்படியெல்லாம் வாழ்ந்துட்டுப் போனார்கள் தெரியுமா?;.

முதன் முதல் இலங்கையின் நாவல் அசன்பே சரித்திரம். அறிஞர் சித்திலெப்பை வெளியிட்ட தினசரிப் பத்திரிகை முழுக்க முஸ்லிம்களுக்கு இஸ்லாம்- அதிலும் குறிப்பாக ஆன்மீகம் சார்ந்ததாகவே வளர்த்தெடுக்கப்பட்டிருந்தது. மறு மணம் என்பது குறிப்பிட்டுச் சொல்லும்படியான ஒருவிசயமாகவே கொள்ளப்படாத காலம் அது. இன்றைக்கும் மூத்தவர்களின் வாயிலிருந்து “ சோனிட தாலி அறுத்துக் கட்டுற தாலிதாண்டா" என்று சொல்லப்படுவதைக் கேட்கலாம். பருவமடைந்தவுடனேயே திருமணம் தேவைப்படுகிறதாயின் மணம் முடித்துக் கொடுங்கள் எனும் நபிவாக்கு தெரிந்தோ தெரியாமலோ பின்பற்றப்பட்டிருந்தது. கற்பு எனும் உடல்சார் மாய பிம்பத்தை உடைப்பதில்- தெரியாதிருந்ததில் நிம்மதியாகவே சமூகம் நகர்ந்தது. எந்தவிதப் பெருமையோ தியாகமோ விதவைத் (ஆணோ பெண்ணோ ) திருமணத்தில் இல்லை என்பதில் முன் மாதிரியாய் இருந்தது. புறத்தே தேவைப்படுகிற பொருளாதாரம், கல்வி நிலைமைகளுக்கும் காமத்துக்கும் எந்தவித சம்பந்தமும் இல்லையென காலம் கடந்து ஞானம் கொள்கிற நிலைவராதபடி உண்மையிலேயே வாழ்ந்தது அது.

ஆங்கிலேயரின் ஆங்கிலக் கல்வியினுhடான தேவையை அது மறுதலித்தே வந்தது. தமிழர் அடுத்ததாக சிங்கள பிரதேசங்களில் நாம் காண்கிற ஆங்கிலேயர் காலத்து ‘சேர்ச்’ சார்ந்த எந்தவித பாடசாலையையும் நீங்கள் முஸ்லிம் பிரதேசங்களில் இன்றைக்கும் காண முடியாதிருக்கும். அதன் கல்வி ஓதப் பள்ளியுடன் அரசபாடசாலையுடன் மட்டுமாகவே இருந்து வந்தது.

முஸ்லிம்களுக்கான நியமன எம். பிக்களின் காலம்முடிந்து தேர்தல் முறை வந்தபோது வட- கிழக்கிலும் முஸ்லிம் பிரதேசங்களில் போட்டிபோட ஆட்கள் தேவைப்பட்டது.கொழும்புத் தலைமைகளுக்கு 'யேஸ் சேர் 'எனச் சொல்லக்கூடிய ஆங்கிலம் தெரிந்த தலைமைகள் உருவாகின. இதில் வெட்கப்படும் படியான ஒன்று அது அவர்களின் பரம்பரைச் சொத்தாகவே ஆகிப்போனதுதான். ஒரு சின்ன உதாரணம்: நிந்தவுhர் முஸ்தபா, கல்முனை மன்சூர் இசம்மாந்துறை மஜீத் எம்.ஸீ. அஹமது பலாங்கொடை அபுசாலி மு. கா. முதல் தலைவர் அஸ்ரப் (இன்னும் சிலர் விடுபட்டிருக்கலாம் ): இவர்கள் யாவருமே கேற் முதலியார் எம். எஸ். காரியப்பரின் குடும்ப அங்கத்தினர் களிலிருந்து கிளை விட்டவர்களாகவே இருக்கக் காணலாம். அது இன்னமும் தொடர்கதையாகவே பல பகுதிகளிலும் பேணப்படுவதைக் காண்கிறோம்.

முஸ்லிம் தலைமை கொழும்புவிலும் தமிழர் தலைமை யாழ் என்றும் பாராளுமன்ற ஆரம்பத்திலேயே ஆகிப் போயிற்று. நாம் இன்றைக்கு விரும்பினாலும் விரும்பாவிட்டாலும். ஆனால் கிழக்கில் எல்லாத் தொகுதிகளிலும் முஸ்லிம், தமிழ் வாக்காளர்கள் கலந்து காணப்படுவதுவும் எம். பிக்களாக இரு அரச கட்சிகளிலும் தமிழர்களும் முஸ்லிம்களுமாகத் தெரிவாவது கண்குத்தியதோ தெரியவில்லை. இருமுனைப் போட்டி இப்போது மும்முனை என்றானது. ஆனால் இவர்களும் முந்தியவர்கள் போலவே ராஜ வாழ்வுதான் வாழ்ந்தார்கள். தன் பிள்ளைகளுக்கு உயர் பாடசாலைகளிலுயர் கல்வி. சொகுசு வாழ்வு வேண்டி கொழும்புக்கு குடிபெயர்வு. மக்கள்? அடுத்த தேர்தலில் பார்த்துக் கொண்டால் போதாதா? இப்பதான் கோடி கோடியா வருதே: சில லட்சங்களை எறிஞ்சா பின்னால பெரிசுகள் நக்கிட்டு வராது.? தமிழர்களுக்கான கட்சிகளில் முஸ்லிம்களும் போட்டி போடத் துவங்கினர். கல்முனைத் தொகுதியில் சட்டத்தரணி சம்சுதீனுக்கு ஆதரவான கருத்தரங்கு அஸ்ரப் வீட்டில்(யாட் வீதியில் இருந்தது. பின்னர் தமிழ் முஸ்லிம் கலவரத்தில எரியுண்டது.) நடைபெற்றது.அமிர்தலிங்கம் அதிதி. அங்குதான் தம்பி அஸ்ரப் சொன்னார்:' அண்ணர் அமிர் தவறினாலும் இந்தத் தம்பி அஸ்ரப் ஈழம் பெற்றுத் தருவேன்." என்று. அடக் கஸ்ட காலமே? மக்களுக்கு அப்போதுதான் இவர்களைப் பாராளுமன்றம் அனுப்பினால் தனி நாடும் பெறறுத் தருவார்களென்பது தெரிந்தது. ஏற்கனவே அவர்களின் வார்த்தையில் சொன்னால் சிங்கள அரசிடமிருந்து வந்த வருடாந்த நிதியை. கொண்றெக்டுகளை. தொழில் நியமனங்களை எவ்வித ஊதியமுமின்றி மக்களுக்காக சேவையோ சேவை என்று வாழ்கிற தியாகச் செம்மல்களுக்காக விரல்பிளந்து இரத்தத் திலகமிட்டு உணர்வு பூர்வமாகத் திரண்டார்கள்.

இலங்கையின் முஸ்லிம் சமூகத்தினர் தமிழ் சமூகத்தினரிடமிருந்து தற்காலக் கல்விமுறையைக் கற்றுக் கொள்ளுவதற்குத் தங்கியிருந்தனர். 1980 களில் குடிசனப் பரம்பலில் 8 வீதத்தினரான முஸ்லிம்களின் பல்கலைக்கழக அனுமதி வீதம் 2க்கு அண்மித்ததுதான். இன்றைக்கு ஒரளவு கூடியிருப்பினும் இதற்கு அடித்தளமிட்டதில் தமிழாசிரியர்களை மறுதலிக்க முடியாது. இன்றைக்கு உலகுக்கு கல்வியை விற்கிற நாடாக இலண்டன் இருப்பதுபோல தமிழ் பேசும் முஸ்லிம்களுக்கும் கிழக்குத்தமிழர்களுக்கும் அன்று இலங்கையில் யாழ் இருந்தது. பல்கலைக்கழக வெட்டுப் புள்ளியினால் கிழக்கு வாழ் தமிழரும் முஸ்லிம்களும் அடைந்த நன்மையை இன்று மட்டிடக்கூடியதாக இருப்பினும்- அன்று யாழ்தலைமை சொன்னதை வழி மொழிய என்ன காரணம்? எண் சாண் உடம்புக்கு மட்டுமா மொத்த இலங்கைக்குக்கூட அதன் சிரசே பெரிசு எனக்கிடந்த காலமது.

முஸ்லிம் வாக்குவங்கியை இரு அரசகட்சிகளிடமிருந்து திருப்புவது பெரும்கஸ்டமானதாயிருந்தது. இருந்தும் தமிழரசுக்(யாழரசுக்) கட்சிகளில் ஓரிருவர் (முஸ்லிம்- தமிழ்) தெரிவானாலும் அரசுடனேயே போய்ச்சேர்ந்து விடுகிற தன்மை காணப்பட்டது. அது அதன் இயல்புக்கு அப்படித்தான் இருக்கும். ஏனெனில் ஊருக்கோ, மக்களுக்கோ ஒண்டுமே செய்யாமல் போனால் அடுத்தமுறை ஊரில் முகம் காட்ட முடியாது போகும். ஏனெனில், அவர்களுக்கு அரசியல் என்பதுவும் ஒரு வாழ்வுக்கு உதவுகிற வியாபரக் கொடுக்கல் வாங்கல் அவ்வளவுதான். அப்படியென்றால் இன உணர்வு தன் மானம், தமிழ் மொழி........இதுவெல்லாம்? சும்மா போங்கப்பா.. இதுவெல்லாம் கறிக்குதவாது என்பார்கள். சிங்களம்- தமிழ் எனப் பிரிந்து அரசியல் சித்து விளையாடிக் கொண்டிருந்த இரு இனத்தாரிலும் அருகாகவே இருந்துகொண்டு மதரீதியில் ஒன்றுபட்டிருக்கிற முஸ்லிம்களை அடையாளம் காண்பதில் இரு இனத்தலைமைகளும் தவறின.

அண்ணர் அமிர் நாக்கூச்சமின்றி மேடையில் வைத்து ஒட்டுமொத்த முஸ்லிம் சமூகத்தையும் 'தொப்பி புரட்டிகள்" என நாமமிட்டார். ஜே. ஆர்.தன் தந்திர மூளைகொண்டு இருஅலுவ்ல்களை நிறைவேற்றினார்.

1. தொழில் வங்கி. அடுத்தடுத்து பச்சை நீலம் என ஐந்து வருடங்களுகொருமுறை மாறாதபடி தன் வாக்குவங்கியை ஆக்குகிற காரியம்.

2. பாரளுமன்றத்தினுhடு தலைமை என்பதை விடுத்து நிறைவேற்று அதிகார ஜனாதிபதி முறை. இரு பெரும்பான்மை கட்சியைத்தவிர தமிழர் தரப்பு எட்டவே முடியாத உச்சம். இதில் பணம் கட்டி விளையாட முஸ்லிம்கள் வரவேயில்லை. ஒட்டு மொத்த முஸ்லிம்களில் (நுhற்று வீதப்படி) பெரும்பகுதியினர் வட கிழக்குக்கு வெளியிலேயே வாழ்கின்றனர். அவர்களுக்கு இந்த தமிழர் கட்சிகளும் அது பேசுகிற சுயாட்சி பற்றிய கதையாடல்களும் வேறொரு நாட்டுக்காரர் பேசுகிறது மாதிரி.

நாம் முன்னர் குறிப்பிட்டது போலவே முஸ்லிம்கள் தமிழர் தரப்பினரிடமிருந்து கல்விக்கு மட்டுமன்றி சிலபண்பாட்டு ரீதியான நடைமுறைகளையும் பின்பற்றத் துவங்கினர். சிலவேளை தாய்த்தரப்பு தமிழராக இருந்ததால் தொடர்ந்து வந்திருக்கக் கூடும். திருமணத்தின் போதான தாலி மணமகணைக் காசு கொடுத்து (சீதனம்) வாங்கிப் போடுதல். இதற்கும் ஒரு கிண்டல் கதை எங்கள் பகுதியிலுண்டு. பணத்தில் மிகக் கொழுத்த ஒருவர் தன் மூத்த மகளுக்கு முதன் முதலாக பல இலட்சங்களைக் கொடுத்து ஒரு வைத்தியரை வாங்கிப் போட்டார். தன் அடுத்த மகளுக்கு எஞ்சினியர் பார்க்க உள்ளாராம் எனக் கேள்விப்பட்டதுமே எங்களுhர் வாப்பாமாரெல்லாம் சூரியன் எழ முன்னரே தங்கள் ஆண் மக்களை எழுப்பத்துவங்கி விட்டார்கள். துhக்கக் கலக்கத்துடன் எழுந்து

'என்னப்பா " என மகன் கேட்டால்
'மெத்ஸ்ஸப் படி. மத்ஸ்ஸப் படி" என்றார்களாம் என்பதாக.

என்ன செய்ய வியாபாரச் சமூகம் அது. பணம் பண்ண இத்தனை சுருக்கு வழி இருக்க விட்டு விடுமா?

தமிழர் தரப்பு அரசியல் படிப்படியாக ஆயுதப் போராட்டம் எனப் பிந்திய காலத்தில் உருமாறத் துவங்குகிறது. அஸ்ரபுக்கு முத்ன் முதலாகக் கிழக்கில் ஒளிதெரிவதாகத் தோன்றியது. அது துப்பாக்கியின் வெடியிலிருந்து விபரம் கெட்டவர்களால் தோற்றமானது என்பதை அறியாதபடியே முதன் முதலாக மத ரீதியில் ஒன்றுபடுங்கள் எனும் கோசம் எழும்பத் துவங்கினார்..காத்தாங்குடியில் முதன் முதலாக அந்த நச்சு மரம் விதையுhன்றப்பட்டது.

சமூக ஆர்வலர்களால் முஸ்லிம் காங்கிரசின் வளர்ச்சியை சமூக அழிவுகரமான ஒன்று எனப் பார்க்கிற தன்மை ஆரம்ப காலத்திலேயே அறியப்பட்டு இருந்தபோதும் புலிகளின் - தம் தம் பங்குக்கு ஏனைய இயக்கங்களின் மிலேச்சத்தனமான போக்கால் மரம் குறுகிய காலத்திலேயே அபரிதமாகக் கிளைவிட்டுப் பரவியது. ஆம் உலகில் கெட்டவை விரைவாகத்தான் வதந்திபோலப் பரவி விடுகின்றன. ஆசிய சமூகத்தின் ஒருகிளையாகிய இலங்கை முஸ்லிம்களும் உணர்ச்சிக்கும் உணர்வுக்கும் வயப்படுபவர்களாகவே இருந்தனர்.

முஸ்லிம் காங்கிரசின் வளர்ச்சி இருகோசங்களுடன் முன்னெடுக்கப்பட்டது.

1. முஸ்லிம் சமூகமே ஒன்றுபடு. (அது சரி முஸ்லிமானவன் எதுக்கு ஒன்றுபடனும்?. நீங்க இன்னொரு வியாபாரக் கடை திறக்கவா?)

2. சந்திரிகா வரமுன்னர் யு. என் . பீக்கு ஏசோ ஏச்சென்று ஏசி முஸ்லிகளின் பாதுகாப்பு இருப்பிடம். பிறகு....ஆ ஆ..வாழ்வாதார உரிமை (இதில் இன்னும் என்னென்னவோவெல்லாம் சொல்லுவாங்க. எல்லாமே தமிழரசுக் கட்சிகள சொல்லிக் கொடுத்ததுதான்.) எல்லாம் சிங்கள யு. என். பீ. க்கட்சியினரால் சிதைக்கப்பட்டது.

இதில் ஓரளவு உண்மை இல்லாமலில்லை. புலிகள் வெளிப்படையாகவே ‘இனப் பிளவுக்கு அனைவரும் உட்பட வேண்டும. நாம் சார்ந்த நிலைப்பாடு;தவிர வேறெதுவுமாய் நடந்துகொள்ள வேண்டாம்’ எ ன வலிந்து திணித்து வாழ்வைக் காணாதபடி எல்லாமக்களையும் சிந்திக்க வைத்து வாழ்க்கைமுறையாய்க் கொள்ள வைத்து கொலை மலிந்த பூமியையும் உயிரச்ச வாழ்வையும் தந்தருளியதில் பதிலுக்குப் பதில் என மறைவாய் இரும்புக்கரம் கொண்டு ஆண்ட யு. என். பி. யையும் சாரும்தான்.

இதில் கவலைக்குரிய ஒரேவிசயம் என்னவென்றால் எந்தவித அரசியல் மானிட விழுமியமும் அற்ற பகல் கொள்ளைக்காறர்களிடமும் கொல்லுதலைக் கொண்டாடும் அமைப்புகளிடமும் நம் தலைமைகள் மாற்றப்பட்டதுதான். புலிகளின் மாத்தையா ஒருமுறை யாழ் வளாகத்தில் ஒரு விரிவுரையாளரிடம் ' கற்றவரும் சமூகப் பெரியாரும் எங்களை விட்டும் துhரமாகி விட்டார்கள்"என்று சொன்னதாகவும அவருக்கு பதிலாக' நீங்கள் எங்கு நிற்கிறீர்கள் என்பதை அது காட்டுகிறது" எனும் வசனம் கிடைத்ததாகவும் வாசிக்கக் கிடைத்தது.;.

முஸ்லிம் காங்கிரசின் அபரித தோற்றம் பார்த்து வளருகிற வீக்க வளர்ச்சி. எப்படிப் பிடிச்சிக்கும்.முஸ்லிம் பிரதேச நெஞ்சுகளில் தீவைத்தார்கள். முப்புறமுமான தீயில் எமனுக்குத் தலை கால் தெரியாத சந்தோசம்.

மானிட அயோக்கியர்களின் கடைசிப் புகலிடம் அரசியல் என்பது நாம் கேள்விப்பட்டதுதான். அந்த அயோக்கியர்களிடம் மனித அன்பைப்போதிக்க வந்த மதங்கள் பகடைக் காயாகிப் போனது இன்றைய காலத்துச் சோகம். இலங்கையின் முஸ்லிம்களுக்கான அரசியல் என்பதை முழுக்க கொந்தறாத்து அரசியலாக்கிய மையிலும் உடல் நோவின்றி எந்தவித ஹலாலான தேடுகையுமின்றி பணத்திற்காக அழிந்து போகும் பெருமைக்காக மதத்தைக் கொச்சைப்படுத்தியதிலும் மு. காங்கிரசின் பங்கு அளப்பரியது.

மு. காங்கிரசின் ஆரம்பத்தில் சமூக ஆர்வலர்களும் கற்றவர்களும் (பட்டம் பெற்ற படிப்பாளிகள் அல்ல) அதில் இணையாமலில்லை. இஸ்லாமியர்களின் உயிர்நாடியான குர் ஆன் அதன் யாப்பு என்றபோது என் அறியாச் சமூகம் நோன்பு பிடித்து இறைஞ்சியதையும் காணவேண்டி வந்தது. முறட்டுத்தனத்திற்கு இன்னொரு முறைப்பும் ஆணவப்போக்கும் சரிவராது எனக்கண்டு ஒதுங்கிப் போயினர் நல்ல இறையச்சமுள்ள மானிடரெல்லாம்..தடி எடுத்தவனெல்லாம் தண்டல்காறனாயினர். இங்கு போலவே அங்கும் மதத் தன்மை வாய்ந்த பெரியோர் மௌனமாயினர். தொகுதி முறையான தேர்தலின் பயனாக கட்சி அதன் கொள்கை என்பதற்கு அப்பால் முஸ்லிம்களின் வாக்களிப்பு முறை தனி நப ர். பிரபல்யத்திலும் குடும்ப பெருமையை வழிமொழியும் தன்மையுடையதாகவுமே இருந்தது.எனவே அஸ்ரப் இருவழிகளில் முஸ்லிம் வாக்கு வங்கியை தன்பக்கம் திருப்ப எத்தனித்தார்.

1. அரசு தனி சிங்களவருக்கான கட்சி எனும் பதிவை உருவாக்கல்.. - இதன் பொய்மையை விளக்குவதற்காக இரு நிகழ்வுகளைத் தரலாம்.

• அண்மையில் கண்டி காதர் ஹாஜியார்-யு. என். பியிலிருந்து விலகியபின் பாரளுமன்றத்தில் ஆற்றிய உரை.அதில் எனக்கு 30000க்கு மேலான வாக்குகளை சிங்கள மக்கள் அளிப்பார்கள். இந்த முறை 10000க்குக் குறைவாக விழக் காரணம் ரணில் றவுப் ஹக்கீமிடம் ஒப்பந்தம் செய்து இனப் பிளவை அங்கு விதைக்கும் கைங்கரியத்தை இருசாராரும் செய்தமைதான். (தோப்பனார்(வெஸ்ற்) சொன்னதத்தானே செய்ய முடியும்) இதே நேரம் வட கிழக்குக்கு அப்பால்- முன்னாள் இன்னால் முஸ்லிம் எம்பிக்களெல்லாம் சிங்கள தமிழ் மக்களின் வாக்குகளையும் பெற்றே வருகிறார்கள்
• .சிறிமா- அஸ்ரப் ஒப்பந்தத்தில் வட- கிழக்கில் முஸ்லிம் பிரதேசங்கள் அடங்கிய தனி மாகாண சபை தருவதாகச் சொன்ன பின்னரும் கொழும்பு மத்திய தொகுதியைத் தனக்குக் கேட்டதாகவும் மறுத்ததாகவும் - ஏற்கெனவே சிறிமாவோவுடன் சேர்த்து குடியுரிமை பறிக்கப்பட்ட ஹலீம் இஸாக் அங்கிருந்த போதும்- ஒப்பந்ததை முறித்து மக்களுக்கு சூ-தந்திரக்கட்சி எனக் காட்டிய பாவ்லா. பிரேமதாச பிரபாகரனை நம்பி மோசம் போனதால் சிங்கள மக்களையும் முஸ்லிம் மக்களையும் முஸ்லிம் பொலிசுகளை மட்டுமல்ல சிங்களப் பொலிசுகளையும் சிங்கள மக்களையும்தான் காப்பற்ற முடியாது போனார்.

2.அரச கட்சிகளில் செல்வாக்கு உள்ளோரை தன் கட்சியினுள் உள்வாங்கி தேர்தலில் போட்டியிடச் செய்தல். நாசமாய்ப் போன மாவட்ட தேர்தல் முறையால்-மொத்த மாவட்ட முஸ்லிம் என ஊட்டப்பட்ட வாக்குவெள்ளத்தில் ஆசீர்வதிக்கப்பட்ட அடிமைச் சேவகர் அரியாசனம் காண பழைய பெரிசுகள் அள்ளுப்பட்டுப் போயினர்.

புலிகள் துவங்கி நாம்பார்த்த எல்லா இயக்கங்களும் தமிழ் பேசிய முஸ்லிம்களையும் பௌத்தர்களையும் (வட- கிழக்கில் வாழ்ந்த ) தமிழரல்ல நீங்கள் எனப் பலமுறை துப்பாக்கிகளால் தீர்த்துச் சொல்லியுள்ளனர். இது புலிகள் எப்படி ஊர்ப்பொறுக்கிகளை வைத்து எல்லா மக்களினதும் வாய்களை மௌனமாக்கினரோ அதேபோல முஸ்லிம் பிரதேசங்களிலும் ஊர்ப்பணத்தை உலைவாயிலே போடும் சோம்பேறியாய்த் திரிந்த எந்தவித மார்க்க அறிவுமற்ற ஆனால் மார்க்க ரீதியான கட்டமைப்பு எனப் பேர்வாங்கிய அலிபாபாவும் நாற்பது திருடர்களும் நினைத்ததைச் செய்யும் நிலைக்களமாக்க உதவியானது.. அவர்களை மேவி கற்றவர்களோ. அறிஞர்களோ மக்களைப் பிழையிலிருந்து விடுவிக்க முடியவில்லை.என்றுமில்லாதபடி தமிழர்களை விட்டும் அன்னியப்பட்ட முஸ்லிம் மாணவர்கள் உத்தியோகத்தர்கள் வியாபாரிகள் பயணிகள் ஏன் பெண்களும்கூட பேதம் பார்க்கிற நிலைமை வந்து சேர்ந்தது.

முஸ்லிம் என்பது ஒரு மதத்தை தன்வாழ்வு முறையாய்க் கொண்டவனையே குறிக்கும் சொல். அவனது வாழ்வு முறை குர் ஆனிலிருந்து வருவது. ஆகவேதான் அடிமடியிலே கைவைப்பது போல குர் ஆனையே யாப்பாக்கி விட்டார் அஸ்றப். அவர்கள் சொல்வதைப் போல முஸ்லிம்களுக்கு மட்டுமாய கட்சி என்றிருந்தால் உண்மையில் அது தோன்றியது முதல் இற்றைவரையான அதன் செல்லுகை சரியாகவே இருந்ததுவா? வட- கிழக்கின் அகதிகளை இல்லாமலாக்குகிறேன் ஐந்து வருடத்துள் எனக்கூவி புனர்வாழ்வு அமைச்செடுத்த குர் ஆனை யாப்பாகக் கொண்ட தலையும் பெருசசாளிகளும் நமக்கு வெட்கக் கேடானவர்கள். புத்தளம் அகதியையும் பார்க்கவில்லை: வவுனியா வாழ்விழந்தவனையும் எழுப்பி விடவில்லை. எல்லாக் கொள்ளையர்களையும் போல வாக்கு நோக்கி வேட்டை. அதற்காக அகதிகளுக்கான பணம் கப்பல் துறைமுக அமைச்சினுhடு ஏனைய அமைச்சிக்களிடம் உருவாக்கப்பட்ட துவேச நிலைமை. அம்பாரை மாவட்டத்தில் தன் வாக்குவங்கி ஒன்றிக்காகவே தன் பின்னால் எலும்புத்துண்டுக்காக அலையும் கபோதிகளை முஸ்லிம் பிரதிநிதிகளாக்கிய அகோரம். இன்றைக்கு அதன் அடிநாதமாகிய "முஸ்லிம்களே ஒன்றுபடுங்கள்' எனும் கோசம் சுக்கான் சரிபட்டபின் சிதறிக்கிடப்பதன் மாயம் அதன் பணவெறியையும் பதவி ஆசையையுமே படம் பிடித்துக் காட்டுகிறது.

நடந்து முடிந்த புலிஅழிப்பு யுத்தம் இலங்கை மக்களுக்கு இரண்டாவது முறையாகவும் ஒருபாடத்தைக் கற்பித்திருக்கிறது. ஜே. வி. பியினர் எப்படி நாட்டு மக்களின் சுதந்திர அச்சமற்ற வாழ்வுக்கு இடையுhறாக இருந்தபடி போராட்டம் நடாத்த வெளிக்கிட்டார்களோ அதேபோல தமிழ் மக்களுக்கும் படம் காட்டி புறப்பட்டவர்களும் சரிக்கப்பட்டிருக்கிறார்கள். இன்னும் இதைத் திறந்து சொன்னால் அரச படையின் பலத்தால் புலிகள் வெற்றி கொள்ளப்பட்டனர் என்பது காற்பங்குக்கு மட்டுமே உண்மையானது அங்கு வாழ்ந்த மக்களின் ஒருமித்த ஆதரவு இருந்தால் இராணுவப்படைகள் புலியின் கட்டுப்பாட்டுப் பிரதேசத்தை ஒருபோதும் வெற்றி கொள்ள முடியாது போயிருக்கும். புலிகளின் காட்டுமிறாண்டித்தனமான அராஜகம் தமிழ் மக்கள் வெற்றிலை வைத்து வரவேற்க முக்கால் பங்கு வெற்றியை வழங்கக் காரணமாயிற்று.

இஸ்லாம் மார்க்கத்தைப் பின்பற்றுகிறவர்களுக்கான- அல்லது முஸ்லிம்களுக்கான கட்சி எனப் பெயர்கொண்ட கட்சி உண்மையிலேயே முஸ்லிம்களுக்குரிய மையப் பிரச்சினைகளை அடையாளம் கண்டிருக்க வேண்டும்.

1. புலிகளினால் ஏற்பட்ட வேளாண்மை நிலங்களின் பயன்பாடின்மை சீதனக் கொடுமை வறுமை என்பவற்றால் இன்னமும் முஸ்லிம் இளம் பெண்களும் தந்தையர்களும் ஏற்றுமதிப் பொருளாக மாறிவிட்ட அவலம்.

2.இந்தியச் சினிமாவிலும் நாகரீகமோகத்திலும் சீர்கெட்டு பணமொன்றிற்காக எதையும் அங்கீகரிக்கும் மனநிலை கொண்ட உலக அரசியல் அறிவியல் முஸ்லிம்களின் மதப்பிளவின் சூட்சும அறிவு எதுவுமே தெரியாத நாட்களைக் கடத்தும் சமூக நிலைமை.இதற்குரிய அறிவு வழங்களை இனம் காணத் தவறியமை. இருந்தாலும் முதன்மைப் படுத்தவோ வசதி செய்து கொடுக்கவோ முயலாமை. (இதைச் செய்தால் முதலில் சரிந்து போவது உங்கள் கோட்டைகளே என்பதற்காக அடியாள் கூட்டம் கொண்டு அடக்குவதையே முளையிலேயே கிள்ளும் கைங்கயத் தையே அஸ்ரப் செய்து வந்தார்)

3. வட கிழக்கில் பிறந்ததற்காகவும் முஸ்லிம் என்பதற்காகவுமே கொல்லப்பட வேண்டும் எனும் கொலைவெறியில் திரிந்த புலிகளிடமிருந்து இனத்தைக் காப்பாற்றத் தவறியமை.

கிறிஸ்தவ மதத்தைப் பின்பற்றுகிற தமிழர்களைக் கொல்லும் டிலுக்கு நாங்கள் இணங்கவில்லை என அண்டன் பாலா எழுதினால் அதில் இன்னொரு கேள்வியும் பதிலும் மறைவாய்ப் பொதிந்திருக்கிறது. இஸ்லாம் மதத்தைப் பின்பற்றுகிற தமிழர்களைக் கொல்லும் டிலுக்கு நாங்கள் உடன்பட்டோமென்பது. இப்போதுள்ள கே.பீயைக் கேட்டால் எல்லாம் தெரிந்து போய்விடும்.அதுவல்ல இங்கு சொல்ல வந்தது

நிரஞ்சன் விஜேரட்ன பாதுகாப்பு அமைச்சராயிருந்தபோது முஸ்லிம்களுக்கான தனிப்படை அமைக்கலாமா என அஸ்ரபிடம் கேட்டபோது பின்வாங்கியது.

ஒரு உண்மை முஸ்லிம் தனக்கு அநீதி இழைத்தவனை அதேயளவில் தண்டிக்க உரிமை பெற்றவன். யாரால் அநீதி இழைக்கப்பட்டதோ அவர்களையே தண்டனைக்குட்படுத்தியிருக்கலாம். அதை விடுத்து அன்றாட உழைப்பிற்காகவே அல்லல் படும்- தங்களின் சந்தோசகர வாழ்வைச் சூறைகொண்ட இயக்கங்களைக் கேள்விக்குட்படுத்தவே அஞ்சிய ஊமையாய்ப் போன அப்பாவித் தமிழர்கள்-(எப்போதும் முஸ்லிம்களின் மீதான தாகுதலின் பின்னர்)கொல்லப்பட்டுப் போனதைக் கண்டிக்கவோ மன்னிப்புக் கேட்கவோ அல்லது தம் எதிரியைச் சரியாக இனம் கண்டு சொல்லவோ தவறியமை.: அஞ்சியமை..

ஆம். அவர்கள் ஒரு முஸ்லிமுக்குரிய தன்மையில் ஒருபோதும் இருக்கவில்லை. அஞ்சிக் கிடந்தார்கள் என்பதுவே உண்மையானது. வவுனியாக் காட்டில் இருந்தபடியே ராஜீவ் காந்தி பிரேமதாச என்றுபோய் துவங்கி மீலாது நபி விழா வரை ரிமோட் கொன்ரோலில் கொலைத் தாண்டவம் ஆடிய சூரியக் கடவுளுக்கு சரணடைந்தே கிடந்தார்கள். இதை மிக விசனப் பட்டே சொல்ல வேண்டியிருக்கிறது. ஏனெனில் முந்தைய முஸ்லிம் எம்பிக்களின் எல்லாச் செயற்பாடுகளையும் -ஏன் அவர்களின் மத நல்லிணக்க செயற்பாடுகளையும் தனிப்பட்ட வாழ்க்கை முறைகளையும் மேடை போட்டு கொச்சைப்படுத்தி மதத்தை மூலதனமாக்கி வந்த நீங்கள் அவர்களை விடவும் மிகக் கீழாக எம் மக்களின் வாழ்வை சிந்தனையை முடமாக்கி விட்டிருக்கிறீர்கள் இதில் மிகவும் கேவலம் கெட்ட தனம் கிளைமாக்ஸ் ஒன்றுண்டு.

இன்றைக்கு மரணித்துப் போன அஸ்ரப்பை வைத்து பல கடைகளாக சில்லறை வியாபரம் செய்கிறார்கள் ஆனால். அவர்களின் தானத் தளபதியின் மரணம் பற்றி ஒரு விசாரணை நடத்தக் கூடத் துப்புக் கெட்டவர்கள் இவர்கள். சந்திரிகா ரணில் மகிந்தா காலத்தில் அரச மந்திரிகளாக வலம் வந்த போதிலும் கூட. பேரியல் அஸ்ரப் அமைச்சராயிருந்து செய்யவில்லை. இப்போது நீதிக்கேஅமைச்சரயிருக்கிற பெரிய சேறாவது நீதி விசாரணையை ஆரம்பிக்குமா? பணம் மட்டுமல்ல பிணமும் தின்னும் பேய்கள் இவர்கள். ஆனால் ஒருவகையில் முஸ்லிம்களின் மிக மேலான சூபிஸத் துறவிகள் இவர்கள். அழியாக் காலங்களுள்ள மறுமை வாழ்வுக்காக இந்த உலகைத் துறப்பவன் துறவியானால் அந்தப் பெரும் மறுமை வாழ்வே வேண்டாம் இது போதும் என நினைத்து வாழ்வது பெரும் துறவு இல்லையா?

4. மொழி பற்றிய விளக்கமின்மையும் அதற்கான உரிமைக்கு கிஞ்சித்தும் பாடுபடாமை. நான் தமிழ் பேசுவதால் தமிழன் தான். தமிழ் பேசுவதானால் இந்துவாகத்தான் (இலங்கையில் மட்டும்) இருக்க வேண்டும் எனும் அவசியமில்லை. நான் மதத்தால் ஒரு முஸ்லிம். இதில் எது முதன்மையானது என்பது ஒருபோதும் எனக்குத் தேவை இல்லாதது. இந்த மாதிரி ஒரு கேள்வி எழுவதையே ஜீரணிக்கக் கஷ்டமாக இருக்கிறது. உலகெங்கிலும் நுhற்றுக்கணக்காண வேறுபட்ட தாய்மொழியைப் பேசிக்கொண்டு முஸ்லிமாகக் கோடிக்கணக்கான பேர் வாழ்ந்து கொண்டிருக்க இங்கு எம்மை தமிழரல்ல எனச் சொல்ல யாருக்கும்- குறிப்பாக புலி அடிவருகளுக்க்கும் உரிமையில்லை. மகராணிக்கே மெத்ஸ் படிப்பித்தவர்களும் கறுப்புக் கோட்டுப் போட்டுப் பொய்யிலேயே பணம் பண்ணும் கபோதிகளுக்கும் மொழிபற்றிய புரிதலும் அறிவும் தெரிந்து கொள்ள முடியாததாயிருக்கலாம். ஆனால் மொழியை ஆழுகிற தமிழ் எழுத்தாளன் என்பவன் –பிரதேசம் , இனம், மொழி அனைத்தும் கடந்த நிலையில் ஒவ்வொரு உயிரின் மலர்வும் பாடுகளும் அநீதிகளும் புலன் கடந்து காண்கிறபோதுதானே உண்மையைத்தர முடியும்.

தமிழ் முஸ்லிம் அல்லது சிங்கள எந்தத் தாயாயிருக்கட்டும் தன் வாரிசின் உடலருகே விழி வெறித்து உட்கார்ந்து பேசாதிருக்கிறாளே....என்ன நினைத்தாள் அவள். இன்னா பிரதேச இந்த மொழி பேசும் இயக்க-ராணுவ மகனார் என்றா? நம் அண்மைய எழுத்துக்கள் மலட்டுத்தனமானவை. துவேசம் கலந்த வார்த்தைகளால் உள்ளாய் உள்ள வேசைத்தனத்தை கபடத்தை எங்காவது காட்டி விடுவதால் தரமிழந்து நிற்பவை. நம்மால் ஒருபோதும் ஒருதாயையோ. இளம் சிறார்களையோ உயிர் வாழ்தலுக்காக மனிதன் போடுகிற அசிங்கங்களையோ .அதற்காக அவன் அடைகிற வெட்கம் கெட்ட வாழ்வையோ; உண்மையான சுதந்திரத்துக்குத் தடையான உலகின் கொடூர முகத்தையோ ஒருபோதும் கண்டு உலகின் முன் தன்வேதனையாகப் பார்க்கும்படி செய்ய முடியாதவர்கள்: நேரடியாகக் காணும் சந்தர்ப்பங்கள் ஆயிரம் இருந்தும் குருடர்கள் நம் எழுத்தாளப் பெரும் தகைகள்.

'என்ரதான் தமிழ்' என யாரும் இங்கு உரிமை பாராட்ட வேண்டிய அவசியமில்லை என்பதைச் சொல்வதற்கே. தப்பான செயற்பாடுகளினால் ஏற்பட்ட ஒன்றாகவே இதைக் கருத வேண்டியுள்ளது. இதற்கு தமிழ் ஈழ எனும் சொல்லாடலும் தமிழ் எங்களது எனும் தான் தோன்றித்தனமான தமிழ்ப் பேராசிரியர்களினது உரிமைகோரலும் காரணம். அப்துல் சமதுவின் நாவலுக்கு (எனக்கு வயது பதின் மூன்று ?) கிடைக்க வேண்டிய சாகித்தியப் பரிசை அச்சிலேயே வெளிவராத புத்தகத்துக்கே சாகித்தியப் பரிசாகக் கொண்டுபோக செ. யோகனாதனால் முடிந்திருக்கிறது.

முதலில் ஒருவனின் தாய்மொழி என்பது அவனின் சிந்தனை மொழியும் கூட என்பதைப் புரியப் பாருங்கள். இதை இன்னும் புலன் பெயராதவர்களுக்கு இப்படி விளக்கிச் சொல்லலாம். ஒருத்தரின் தாய் மொழி தமிழ் எனக் கொள்ளுங்கள் அவரிடம் ஆங்கிலத்தில் ஒருவர் பேசும் போது இவர் பதில் இறுக்க முன்னர் தன் உள்ளாய்

1) பேசியவரின் ஆங்கிலத்தைத் தமிழ் படுத்தி விளங்கிக் கொள்கிறார்.

2).அதற்குரிய பதிலைத் தமிழிலேயே எண்ண வடிவில் கொள்கிறார்.

3.) 2) ஐ ஆங்கிலத்துக்கு மொழிமாற்றம் செய்கிறார்.

எனவேதன் எந்தப் புது வரவும் தாய்மொழியில் இருக்கும் போது இலகுவானதாகவும் பிரசவித்தவனின் சரியான பார்வையைச் சொல்லுவதிலும் சிறந்து நிற்கிறது. ஆகவேதான் பாரதிக்கு நாமறிந்த மொழிகளிலே தமிழ் மொழிபோல் இன்னொரு இனிமையான மொழி கிடைக்கவில்லை. புலம் பெயர்ந்து என்னதான் இங்கிலீசுல புள்ளயப் படிப்பிச்சாலும் உம்மா என் மூத்த மகன் சொல்லும்போது ஏற்படும் பரவசம் இளையது மம்மி எனச் சொல்வதில் ஏற்படவே இல்லை என்கிற தாய்மாருக்கு மொழி எவ்வளவு துhரம் உணர்வில் கலந்தது என்பது புரிபடும்.

மொழிக்கும் மதத்துக்கும் சம்பந்தமேயில்லை. குர் ஆன் அறபி மொழியில் எழுதப்பட்டது. அது சரி ஆனால் முஸ்லிம் என்கிற பெயரிடலும் இஸ்லாமும் இப்றாகிம் நபியுடன் ஆரம்பமாகிறது. இலங்கை முஸ்லிம்களின் தமிழ் மீதான பாரமுகத் தன்மைக்கு ‘எல்லாவற்றிலும்தான் பின்பற்றுகிறமே: தமிழும் உங்களோடது என்கிறீர்கள் சரி ;பின்னால் வழி; மொழிகிறமே’ எனும் போக்கு ஓரளவில் காரணமாயிருக்கிறது. பெரும் காரணம் தமிழறிஞர்கள் என்பவர்கள் இந்து மதத்துச் சொந்தக்காறர்களே எனும் ஆழ ஊடுருவி விட்ட விஷப் போக்குத்தான்.

இதை இன்னும் விபரமாக விரித்தால் அனேக அறிஞர்களின் குல்லாக்களும் கோவணங்களும் உரியப்பட்டுப் போகும். மிகச் சிறிய உதாரணம் இலங்கையின் சிங்கள சாகித்திய புத்தகங்களின் தராதரங்களும் தமிழ் சாகித்திய புத்தக எழுத்துக்களின் தராதரங்களும் எப்பீடி? அவ்வளவுதானா தமிழ் எழுத்தாளர்களின் வல்லமை? அப்படியல்ல: நம் மக்களுக்கு மு. மேத்தா வைரமுத்து, சுஜாதா என்போர் குசு உட்டாலும் முகரச் சம்மதந்தான் ஆனால் மேத்தாவையே வெற்றிகொண்ட (அக்கரைகள் பச்சையில்லை) அருளரைத் தெரியாது. மிக மேலான சிந்தனை வரவுகளை எழுத்தினுhடு நாம் அடைந்திருந்தோம்.

புலிச் சிந்தனையாலும் மேட்டுக்குடிச் சிந்தனையாலும் அரசியலுக்கு ஆலவட்டம் பிடிப்பவனாலும்- இவை எல்லாவற்றையும் விட தமிழக ஊத்தை மன விகார எழுத்துக்களாலும் ஒரு ஊனச் சமூகத்தை உருவாக்க நாம் துணை போய்க்கொண்டிருக்கிறம். எந்தப் பத்திரிகையுமே மானிட நீதிக்காய் செய்தி சொல்லும் நிலையைக் காண முடியவில்லை. அழியா எந்த எழுத்திலும் நாம் பேதம் காண முடிந்ததில்லை. அதாவது தால்ஸ்தோயின் இரு சகோதரர்களின் சோகத்தை நம்மில் கவியச் செய்வதாலேயே அவர் வெற்றி பெற்றவராகுகிறார். ஒரு மாற்று இனத்தில் பிறந்ததனால் மட்டும் குழந்தையின் சிரிப்பு கொடியவனின் கொடூரம் அவன் தோட்டத்து மலரின் சிலிர்ப்பு வறுமை வெட்கம்......உன்னில் பாதிப்பைத் தரவில்லையானால் நீ மனிதனேயல்ல.

அது எப்படி இந்த வீரகேசரி தினக்குரலுக்கு மட்டும் 'திருடிய முஸ்லிம் இளைஞர் கைது' எனத்தலைப்பிட மனம் வருகிறது. எந்த மதம் அநியாயம் செய்யச் சொல்லும்? திருடனுக்கு கொலைகாரனுக்கு கொள்ளைக்காரனுக்கு மதச் சாயம் பூசும் மர்மமென்ன? திருடன் கைது என்பது தானே சரியானது. அது நாம் ரெட்டை நாக்குக் கொண்ட நெஞ்சில் உரமுமின்றி நேர்மைத் திறனுமற்றகாவடி துhக்கிகளை எழுத்தின் பிதா மகர்களாகக் கொண்டதனாலாய பயன். இல்லாவிட்டால் போலிச் சித்தாந்தங்களுக்காக அன்றாடங்காய்ச்சி ஏழை ஜனங்களின் சாவைவைத்து நாடு கொள்ள உள்ளத்தாகவும் நியாயப்படுத்தியும் ஏ. ஸீயில் உட்கார்ந்தபடி எழுதுகிறவனிடம் வேறென்ன கொள்ள முடியும்.? கிழக்கின் அனேக தமிழ் முஸ்லிம் மக்களின் வாழ்விட வறுமைக்கும் சிந்தனை வெறுமைக்கும் அரசியல்வாதிகளும் இந்தப் பேப்பர் பொறுக்கிகளுமே காரணம். கூலித் தொளிலாளி பரம்பரையாகவே இன்னும் உழன்று கொண்டிருக்க பெருச்சாளிகள் தன் இழி செயலை இன்னமும் நியாயப் படுத்தியபடி இடைவெளியைக் கூட்டிக் கொண்டே இருக்கிறார்கள். தங்கள் மீது தங்கிய நிலையைப் பேணுவதே தங்களின் இருப்பின் பலம் என்பதை அறிந்த தந்திரசாலிகள் அவர்கள்.இதை அகற்றுவதானால்

மானிடத்தின் மீது பேரன்புகொண்டவராகக் கூட இருக்க வேண்டாம். தன் கடமையை உணர்ந்த அரசியல்வாதிகளை (வியாதிகளை அல்ல) நாம் தேர்ந்தெடுக்க வேண்டும்.

எம் மக்களுக்கு மானிட வாழ்வின் பெறுமதி அடுத்தவரை அங்கீகரிக்கும் மனநிலை படிம மனநிலையிலிருந்து விடுபட்டு அநீதிக் கெதிராக ஒன்றுபடுகிறமையையும் வளர்த்தெடுக்கிற நிலையை எழுத்துக்கள் உருவாக்க வேண்டும். அல்லாத விடத்து எற்கனவே பின் தங்கிவிட்ட தமிழ் பேசுகின்ற சமூகம் இன்னும் கீழ் நோக்கியே பயணப்பட வேண்டியிருக்கும். மீளவும் மேள தாளத்துடன் எல்லா உள்ளுhராட்சிகளிலும் குடுகுடுப்பைக்காரர்கள் மேடையிட்டு துவேசம் கக்க வெளிக்கிட்டிருக்கிறார்கள்:மக்களின் பொழுதை மட்டுமல்ல சிந்தனையையும் காவு கொள்ள.இன்னும் எத்தனை காலம்?

a.shaa25@yahoo.com

Read more »

அதிகார பரவலாக்கத்தின்போது கீழ் மட்டத்திலுள்ளவர்களின் கருத்துக்களும் பெறப்பட வேண்டும்'

அதிகார பரவலாக்கத்தின் போது அடிமட்டத்திலுள்ளவர்களின் கருத்துக்களும் பெற வேண்டும் என இந்திய பொது நிர்வாக நிலையத்தின் பணிப்பாளர் கலாநிதி ராகேஷ் ஹுஜா தெரிவித்தார். அரசியலமைப்பு கற்கை நிறுவனத்தின் ஏற்பாட்டில் அதிகார பரவலாக்கம் தொடர்பிலான தேசிய மன்றம் தம்புள்ள, கன்டலம அமாயா லேக் ஹோட்டேலில் நேற்று வெள்ளிக்கிழமை ஆரம்பமான முதல் நாள் அமர்வில் சிறப்புரையாற்றும் போதே அவர் மேற்கண்டவாறு குறிப்பிட்டார். இந்திய நிர்வாக துறையில் 36 வருடங்கள் கடமையாற்றிய அனுபவமிக்கவரான கலாநிதி ஹுஜா அங்கு தொடர்ந்து உரையாற்றுகையில், 'அதிகார பரவலாக்கம் அவசியம் என்பதற்காக மேற்கொள்ளக் கூடாது. நோக்கங்களை அறிந்தே அதிகார பரவலாக்கம் மேற்கொள்ளகொள்ளப்படும். இன்றைய காலகட்டத்திலுள்ள அரசியல்வாதிகள் சிறப்புரிமைகளையும் சலுகைளையுமே எதிர்பார்க்கின்றார்கள். அவர்கள் மீதுள்ள பொறுப்புக்களை ஏற்றுக்கொள்ள ஒரு போதும் தயாரில்லை. அபிவிருத்தி தொடர்பான தீர்மானங்கள் அடிமட்டத்திலிருந்தே எடுக்க வேண்டும். ஆனால் இன்று அவ்வாறு நடப்பதில்லை. தீர்மானங்கள் மத்திய அரசினால் தலைநகரிலிருந்து எடுக்கப்படுகின்றன. இத்தீர்மானங்களை அடிமட்டத்திலுள்ள மக்கள் மத்தியில் அமுல்படுத்த தயாராகும் போது பல சிரமங்கள் எதிர்நோக்கப்படுகின்றன. மத்திய அரசு, மாகாண அரசு மற்றும் உள்ளூராட்சி மன்றங்கள் என்பனவற்றுக்கிடையில் நெருங்கிய உறவு பேணப்பட வேண்டும். இதனூடாக மக்களுக்கு நிறைய அபிவிருத்திகளை மேற்கொள்ள முடியும். மத்திய அரசுகள் எப்போதும் தனக்கு கீழுள்ள அரசுகளை கட்டுப்படுத்த முயற்சிக்கின்றன என' அவர் தெரிவித்தார். தொடர்ந்து நாளை சனிக்கிழமை வரை நடைபெறவுள்ள இத்தேசிய மன்றம், அரசியலமைப்பு கற்கை நிறுவனத்தின் தலைவரும் ஜனாதிபதி சட்டத்தரணியுமான கலாநிதி ஜயம்பதி விக்ரமதுங்க தலைமையில் இடம்பெற்றமை குறிப்பிடத்தக்கது. இத்தேசிய மன்றத்தில் நாடாளுமன்ற உறுப்பினர்கள், ஆளுநர்கள், மாகாண அமைச்சர்கள், மாகாண சபை உறுப்பினர்கள், அரச உயர் அதிகாரிகள், திணைக்கள தலைவர்கள், புத்திஜீவிகள் மற்றும் ஊடகவியலாளர்கள் என பலர் கலந்துகொண்டனர்.

Read more »

ஜாதியை அடியோடு அழிக்க பன்னாட்டுச் சமூகம் முன்வர வேண்டும் *நவநீதம் பிள்ளை

ஆசியாவிலிருந்து சாதிக் கொடுமைகளால் பாதிக்கப்பட்ட சமூகங்களின் பிரதிநிதிகள் குழு ஒன்று அண்மையில்என்னைச் சந்தித்து, உடைத்து எறியப்பட்ட பொதுக் கழிவறையின் சுவரிலிருந்த ஓர் செங்கல்லை என்னிடம்அளித்தனர். அந்தச் செங்கலானது, "கீழ் சாதி'யினரை வெறுங்கையால் பொதுக் கழிப்பிடத்தை சுத்தப்படுத்தநிர்பந்திக்கும் அவலமான வழக்கத்திற்கு எதிரான உலகளாவிய போராட்டத்தின் குறியீடாகும்.

இந்த அவலமான வழக்கம், சட்ட ரீதியான தடைகள் தொடர்ந்து அதிகரிக்கப்பட்டு வந்த போதிலும்

நவி பிள்ளை, அய்.நா. அவையின் மனித உரிமைகளுக்கான உயர் ஆணையர்

பலபகுதிகளில் இன்றும் நடைமுறையில் இருக்கிறது. இந்த வேலையை எவரும் விருப்பத்தின் காரணமாகசெய்வதில்லை. இது, அவர்களின் சமூக மூலமான சாதியின் அடிப்படையில் தலைமுறை தலைமுறையாகஅவர்கள் மீது சுமத்தப்படுகிறது. அதன் விளைவாக, ஒதுக்கப்பட்ட இம்மக்கள், வேலையால் மேலும் அழுக்கானவர்களாக்கப்பட்டு – பரம்பரை பரம்பரையாக சமூகத்தில் நிலவக் கூடிய தனிமைப் படுத்துதலில் சிக்கிக்கொள்கிறார்கள். இதனால் விளிம்பு நிலைக்குத் தள்ளப்படுகின்றனர்.

இன்று சாதியால் பாதிப்பிற்குள்ளான சமூகங்களும், சமூக ஆர்வலர்களும் – இன்னும் பலமாக கட்டப்பட்டுள்ள,கண்ணுக்குப் புலப்படாத "ஒதுக்கப்படுதல்' எனும் பெருஞ்சுவரைத் தகர்த்தெறிய முடியும் என்ற நம்பிக்கையோடுஇருக்கிறார்கள். அதற்காக புதிய சர்வதேச சமத்துவ நிலைகளையும், பாகுபாடற்ற நிலைகளையும் கொண்டுவிழிப்புணர்வு ஏற்படுத்தி வருகிறார்கள். அவர்களுடைய மன உறுதியின் மீதும், தைரியத்தின் மீதும் நான் மிகுந்தமதிப்பு வைத்திருக்கிறேன். இனவெறி கொண்ட தென்னாப்பிரிக்காவில் சிறுபான்மை கறுப்பினப் பெண்ணாகவளர்ந்த எனக்கு "ஒதுக்கப்படுதல்' என்பதின் பொருள் நன்கு புரியும்.

தீண்டாமை என்னும் சமூக அவலம் உலகெங்கும் சுமார் 26கோடி மக்களை பாதிக்கிறது. இம்மாதிரியான ஒதுக்கப்படுதல்பல்வேறு சமூக, பண்பாடுகளில் ஆழமாகக் காணப்படும்சடங்கு ரீதியிலான கொள்கைகளில் பிணைக்கப்பட்டுள்ளன.இந்த அவலம் ஒரு குறிப்பிட்ட பூகோள பகுதியிலோ,குறிப்பிட்ட மதத்தில் மட்டுமோ நடைபெறும் செயல் அல்ல.இது ஒரு சர்வதேச அவலம்.

மனித உரிமையின் அடிப்படைப் பண்புக் கூறுகளான பாகுபாடுகாட்டாமை, வேற்றுமையின்மை ஆகியவற்றை சாதிமறுக்கிறது. அது ஒருவனை பிறப்பிலிருந்தே பழிக்குஉள்ளாக்குகிறது. அவன் சார்ந்த சமூகத்தை சுரண்டலுக்கும்,வன்முறைக்கும், சமூக ஒதுக்குதலுக்கும், வெறுத்துஒதுக்கப்படுவதற்கும் உள்ளாக்குகிறது. சாதிய பாகுபாடு –மனித உரிமை மீறல் மட்டுமின்றி, அதனால்பாதிக்கப்படுபவர்களின் இன்னும் பிற சமூக, அரசியல், பொருளாதாரப் பண்பாட்டு உரிமைகள்பறிக்கப்படுவதற்கும் ஏதுவாகிறது.

"கீழ் சாதியினர்' என முத்திரையிடப்பட்ட நபர்கள், தலைமுறை தலைமுறையாக குறைந்த வருமானம்ஈட்டக்கூடிய தொழில்களையே செய்ய கட்டாயப்படுத்தப் படுகின்றனர். அவர்களுக்கு விவசாயம் செய்யநிலங்களோ, அதற்கு கடனுதவிகளோ கிடைப்பதில்லை. இவர்கள் மீளமுடியாத கடன் சுமையினால்,கொத்தடிமைகளாகவும் வாழ்ந்து வருகின்றனர். தற்கால அகராதியில் இதை அடிமை வாழ்வு என்றே அழைக்கவேண்டும். நீதிக்காகவும், இழப்பீடுகளுக்காகவும் இம்மக்கள் கடக்க வேண்டிய தடைகள் அசாதாரணமானவை.பிறப்பின் அடிப்படையில் "கீழ்சாதி' எனப்படுபவர்களின் குழந்தைகளிடையேதான் குழந்தைத் தொழிலாளர்முறையும், அதிக எழுத்தறிவின்மையும் காணப்படுகின்றன. பெண்களுக்கு சாதி என்பது, அவர்களுடையதுயரைப் பன்மடங்காக்கும் கூராகும். இதனால் வறுமையும், ஒதுக்கப்படுதலும் அதிகரிக்கவே செய்யும்.

இந்த அவலத்தைத் தடுக்க பல நாடுகளில் சட்டமும், கொள்கைகளும் இருக்கின்றன. சாதி ரீதியான பாகுபாட்டைஅரசியல் சட்டங்கள் தடை செய்துள்ளன. "கீழ் சாதி'யை சேர்ந்தவர்கள் நாட்டின் மிக உயர்ந்த பதவிக்கு தேர்வுசெய்யப்பட்டுள்ளனர். சுரண்டலுக்கும், வன்முறைக்கும் எதிரான பாதுகாப்பு, கல்வி, வேலைவாய்ப்புகளுக்குமுன்னுரிமை என சிறப்புச் சட்டங்கள் இயற்றப்பட்டுள்ளன. பாதிக்கப்படுவோர்க்கு நீதியும், இழப்பீடும் வழங்கநீதித்துறை தலையிட்டிருக்கிறது. நிலைமைகளை கண்காணித்து "கீழ் சாதி' மக்களுக்கு ஆலோசனை வழங்கஅர்ப்பணிப்புள்ள நிறுவனங்கள் செயல்படுகின்றன.

அனைத்து வகை இனப்பாகுபாட்டையும் ஒழிப்பதற்கான பன்னாட்டு ஒப்பந்தம், இனப்பாகுபாட்டிற்கானஅடிப்படை பிறப்பு ரீதியிலானது என்பதைத் தெளிவாகப் பதிவு செய்துள்ளது. டர்பன் மாநாட்டுப் பிரகடனமும், 2001இல் இனவாதத்திற்கு எதிராக உலக அரங்கில் கொண்டு வரப்பட்ட செயல்திட்டமும், பிறப்பின்அடிப்படையிலான பாகுபாடுகள் மற்றும் வேறுபாடுகளை கவனத்தில் எடுத்துக் கொண்டுள்ளன. அந்தப்பாகுபாட்டை களைவதற்கு தெளிவான செயல் திட்டத்தையும் அவை அளித்துள்ளன. அச்செயல்திட்டத்தைஏப்ரல் 2009இல் எல்லா நாடுகளும் ஏற்றுக் கொண்டுள்ளன.

எனினும் சாதிய வேறுபாடுகளைக் களைய, இலக்கு நோக்கிய சமூகக் கொள்கைகளும் திட்டங்களும்உருவாக்கப்பட வேண்டும். பிறப்பு, அதிகாரம், பணபலம் ஆகியவற்றின் அடிப்படையில் ஆழமாகப் பதிந்துள்ளசமூக, பண்பாட்டு நம்பிக்கைகளை மாற்றுவதற்கு கல்வித் திட்டங்கள் அவசரமான, தவிர்க்க முடியாத ஒன்று.அனைத்திற்கும் மேலாக சாதிய பாகுபாட்டிற்கு உள்ளான இனக்குழுக்களுக்கு – அவர்களுக்கான வளர்ச்சித்திட்டங்களை திட்டமிடுவதிலும், செயல்படுத்துவதிலும், மதிப்பீடு செய்வதிலும் முழு உரிமைகளையும்கொடுக்க வேண்டும். தென்னாப்பிரிக்காவில் இனவெறிக்கு எதிராக பன்னாட்டு சமூகம் ஒன்றுபட்டு குரல்கொடுத்ததுபோல, இந்த முயற்சிகளுக்கும் ஆதரவு அளிக்க வேண்டும்.

மக்களை வறுமையிலும், நம்பிக்கையற்ற வாழ்விலும் தள்ளும் வெறுக்கத்தக்க செயல்களான –ஒதுக்கப்படுவதற்கும், விளிம்பு நிலைக்குத் தள்ளப்படுவதற்கும் எதிராக நடவடிக்கை எடுப்பது உடனடி தேவை.இது, நாடாளுமன்றத் தேர்தலில் ஆதிக்க சாதி வேட்பாளருக்கு வாக்களிக்க மறுத்து, தாம் விரும்பியவேட்பாளருக்கு வாக்களித்ததால் ஊரைவிட்டே ஒதுக்கி வைக்கப்பட்ட "கீழ் சாதி' குடும்பங்களுக்கு நாம் செய்யவேண்டிய கடமை. அரசாங்கத்தின் பொது நலத் திட்டங்களால் பயன் பெற முடியாமல் சாவோடு போராடிய "கீழ்சாதி' மக்களுக்கு நாம் செய்ய வேண்டிய கடமை. பொது இடத்தில் வைத்து வன்கொடுமை செய்யப்பட்ட கீழ் சாதிபெண்ணுக்கும், ஆதிக்க சாதியினரால் பொது இடத்தில் அவமானப்படுத்தப்பட்டு, தன் கழிவையே தின்னவைக்கப்பட்ட பெண்ணுக்கும் நாம் செய்ய வேண்டிய கடமை.

சாதியால் பாதிக்கப்பட்ட அனை வருக்கும் நீதியும், நியாயமும் கிடைக்க வேண்டும். பாரம்பரியம், வழக்கம்என்று கூறியோ "குலத் தொழில்' என்று கூறியோ கோடிக்கணக்கான மக்களின் அவல நிலையை நியாயப்படுத்தமுடியாது.

மனித உரிமைகளை காக்கவும், வளர்க்கவும் பல நாடுகளைக் கொண்டு உருவாக்கப்பட்ட அமைப்பான மனிதஉரிமைக் குழுவானது, "வேலை மற்றும் பரம்பரை அடிப்படையிலான பாகுபாடுகளை திறம்பட நீக்குவதற்கானவரைவுக் கோட்பாடு மற்றும் வழிகாட்டு நெறிகள் – 2009அய்' ஆதரித்து ஆக்கப்படுத்த வேண்டும். இவ்வறிக்கைஇனப்பாகுபாட்டிற்கு எதிராக தற்பொழுதுள்ள நியதிகளையும் கோட்பாடுகளையும் முழுமையாக்குகிறது. இந்தகட்டளை சட்டங்களை எல்லா நாடுகளும் ஏற்றுக் கொண்டு செயல்படுத்த வேண்டும்.

சாதி எனும் கேவலமான கருத்தியலை அடியோடு அழிக்க வேண்டிய நேரம் வந்துவிட்டது. அழிக்க முடியாதுஎன்று கருதப்பட்ட பிற அடிமை முறை, இனவெறி போன்ற கடும் சவால்கள் எல்லாம் கடந்த காலங்களில்தகர்த்தெறியப் பட்டுள்ளன. எனவே, சாதி எனும் சுவரையும் நாம் தகர்த்தெறிய முடியும். தகர்த்தெறிய வேண்டும்.

-----------------

இக்கருத்துரை 8.10.2009 அன்று வெளியிடப்பட்டது.

தமிழில்: மாணிக்கம் நன்றி *தலித் முரசு

Read more »